Mateu 16:28 - Ibibiliya mu Shimakonde Imbodi Yaambi na dimbande dya Imbodi Yakala

²⁸ Nangu ninkumwaulila mwiu doni, po pakati penu apa vanji mwiko havapela vakanava kumwona Mwana Wamunu aida muutawala wake.”

Mateu 16:28 Referans Kwoze

Lukashi 9:27

Ninkumwaulila mwiu doni, vapali vanu popo apa, vanavo havapela vakanava kwona utawala wa Nnungu.”

Malukushi 9:1

Kutwala kavili kushidoni, “Ninkumwaulila mwiu doni vapali vanu vanji popo apa, vanavo mwiko havapela vakanava kwona utawala wa Nnungu wida na dimongo.”

Nshuwau 8:52

Vayuda kutwala kushidoni, “Napanelo tundikwanalela kenga mwiu unkuvanavo majini. Abulaamu tu andipela na vakulava momo vandipalanga. Napanelo wako utangola kenga álota kwigwilila lilove lyangu, kupela ko mwiko, halinga ngwengwe!

Mateu 26:64

Yesu kushidoni, “Wako ni útangola. Leka apo kutunduvangila ambi apa mundamwona Mwana Wamunu àikele kunkanakono kwake Wadimongo-uti na aida mumaundi kuwa.”

Mateu 10:23

Panjini umo vakampapata tukutila njini unji. Ninkumwaulila mwiu doni, hamumalila shinu minjini uti vya ku Ishilaeli Mwana Wamunu ákanava kwida.

Lukashi 2:26

Jo Imumu Wanashwe andímwaulila Shimiyau doni, hapela akanava kumwona Klistu wake Umu kuntumidya.

Malukushi 13:26

Bai apo vandamwona Mwana Wamunu aaloka mumaundi na dimongo dyoe pamo na lishangelo.

Vabalaniya 2:9

ila tunkumwona Yesu wauntandile padyoko tu kuva mwina mwavanjelo, waungwadidye lidaka lyalishangelo na lyaishima kwamwaa wakuvauvanga mukupela kwambangidya kwaumonyo wake Nnungu alinge kupela kwamwaa wavanu uti.

Mateu 24:3

Nae akaikala palishinga lyamilandi vya Ulivela kutwala vakwoda vake kumuukila àve gweka ndamudya, “Twaulila! Da vinu avi vilota kutandeka duvani? Shimanyikilo shani shilóta kulilodya kwida kwako na mwisho wawakati?”

I Vateshalonika 1:10

na pakulota munnindile Mwanagwe aaloka kuwa, aijá wandyuwidye pakati pavakupela, Yesu átuposha mushitundi shída.

Mateu 24:42

Napavedoni ava mevo mwaa hamumanyite liduva lyalota kwida Umu wenu.

Lukashi 18:8

Ninkumwaulila ngala doni, nae andavapa ishaliya shipajelo kanji kushi Mwana Wamunu paida po, andakodya likulupililo mushilambo?”

Mateu 8:20

Yesu kushidoni, “Vanansheto vankuvanavo vivava, vyuni vyakuniania vinkuvanavo vyanda kanji Mwana Wamunu havé pashinu pakwijamidya muti wake.”

Mateu 16:13

Napanelo Yesu akawika isemu ya ku Shashaleya imwe Pilipo, akavaudya vakwoda vake kushidoni, “Da vanu vamwona Mwana Wamunu kuva nyani?”

Mateu 24:34

Ninkumwaulila mwiu doni, vanu vaimbula ai havamalilika vinu avi vikanava kutandeka.

Malukushi 8:38

Munu woewoe waimbula ai yakulavalava na yakutega akangwanangila nangu dyoni na kwanangila malove angu, Mwana Wamunu momo andamwanangila dyoni paida mulishangelo lyatatake àvele pamo na vanjelo vakwilimyanga.”

Nshuwau 8:51

Ninkumwaulila mwiu mwiu doni, munu áigwilila lilove lyangu, kupela ko mwiko, haona shinu ngwengwe.”

Nshuwau 21:22

Yesu kushidoni, “Ikava kenga nangu ninkulota nae apagwe mpaka pangulota kwida, wako shako nyamani? Wako po, ngwoda!”

Vitendo 1:11

kutwala kushidoni, “Mmagalileya, mulalela nyamani kuwa? Jo Yesu wavamuumidye pakati penu kuka kuwa, andaaloka kenga mo mwamumwanalele auka kuwa.”

I Vakolintu 15:23

Kanji kwakula munu na mwanda wake: Klistu kuva shepo shitandi, ling'oto kwatika vamwe Klistu mukwida kwake.

Tiyagu 5:7

Napavedoni mmanung'unumunu ava mmanu mmakulipililila mpaka kwida kumwe Umu. Nnole nkúlima mwanalindililila ulongo umye vyepo vyamana. Nae análipililila mpaka ulongo utanyele imbula itandi na yamwisho.

II Patulu 1:16

Kwamwiu, patummalangangidile dimongo na kwida kumwe Umu wetu Yesu Klistu, hatwodile mikong'o vyavapanganienge shana kanji wewe tuvene ni tuvashuda túgwene ukumene wake.

I Nshuwau 2:28

Mmanavangu napanelo pagwa nkati mwake nae kwambangidya dashi, palota kulilodya tuvenavo ntima shii patukalinyemya pamevo pake kwamwaa wadyoni.