Mateu 16:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ Nadoni Mwana Wamunu andaida mulishangelo lyatatake pamo na vanjelo vake, napane apo anannipa kula munu kwodana na matendo ake.

Mateu 16:27 Referans Kwoze

II Vakolintu 5:10

Mwaa wetu uti indituvaikila twimile palibengi lyaukumu lyake Klistu pakulota kula munu apate kulingana na shimadengo ashilá shatandile mumili, kwali shambone kwali shakunyata.

Valoma 2:6

Nae anannipa kula munu kwodananavo matendo ake.

Valoma 14:12

Nadoni kula munu pakati petu andaitikanga jo mwene kumwe Nnungu.

Vaepeshu 6:8

Manya kenga shoeshoe shambone shatenda munu, shosho sho andapata kwalakela kumwe Umu ata pakavele ntumwa kwali wamuunaiti.

Yudashi 1:14

Kwamwaa wavanu vovo ava, Enoki munu wasaba kutunduvangila Adamu nanae momo andívalanganga kaladavo, “Mwenu! Umu ankwida pamo na makumi manga avanjelo vake vakwilimyanga

Maono 20:12

Namomo ndívona vapadíle vadyoko na vanang'olo vàimilenge mushu shiteng'u, popo po mabuku andyúnguligwa. Lindyúnguligwa libuku linji, yani lyashingumi. Vapadíle vo vandyúkumigwa kulingana na avilá vyandikígwe mmabuku kula munu na vitendo vyake.

Maono 2:23

Ndavamalidya vana vankongwe aju. Nadoni maganisha uti andamanya do, nangu ni nalalyanga ntima pamo na makumbukililo, namomo nannipa mwenu kwodana na matendo enu.

Mateu 25:31

“Mwana Wamunu palota kwida mulishangelo lyake pamo na vanjelo vake andaikala pashiteng'u shake shalishangelo.

Lukashi 21:27

Apo vandamwona Mwana Wamunu aaloka mulyundi na dimongo pamo na lishangelo lyoe.

Malukushi 14:62

Nae kushidoni, “Elo, nangu ni nene. Bai mwenu mundamwona Mwana Wamunu àikele kunkanakono kwake Wadimongo-uti aida mumaundi kuwa.”

Malukushi 8:38

Munu woewoe waimbula ai yakulavalava na yakutega akangwanangila nangu dyoni na kwanangila malove angu, Mwana Wamunu momo andamwanangila dyoni paida mulishangelo lyatatake àvele pamo na vanjelo vakwilimyanga.”

Mateu 24:30

“Bai muwakati wowo kuwa shindaaneka shimanyikilo shake Mwana Wamunu kutwala makola uti amushilambo kutangadikanga. Vovo vo vandamwona Mwana Wamunu aaloka mumaundi na dimongo pamo na lishangelo lyoe.

Maono 1:7

Mwe! Nae ankwida mumaundi na kula munu andamwona ata mpaka avalá vantalwéle nkushi; makola uti amushilambo andatangadikanga kwamwaa wake nae. Nadoni amu mundatandeka! Ame.

Vitendo 1:11

kutwala kushidoni, “Mmagalileya, mulalela nyamani kuwa? Jo Yesu wavamuumidye pakati penu kuka kuwa, andaaloka kenga mo mwamumwanalele auka kuwa.”

Mateu 26:64

Yesu kushidoni, “Wako ni útangola. Leka apo kutunduvangila ambi apa mundamwona Mwana Wamunu àikele kunkanakono kwake Wadimongo-uti na aida mumaundi kuwa.”

I Patulu 1:17

Pakuva mwenu mundashwali muntambula Atata aijá áukumu kwabila kupambula kwakwodananavo vitendo vyakula munu, avanavo shinamidyo uti shakunjopa nae muwakati au wamuvele kenga mmakwaloka.

Lukashi 22:69

Kanji kutunduvangila ambi apa Mwana Wamunu andaikala kunkanakono kwake Nnungu Wadimongo-uti.”

Lukashi 9:26

Munu woewoe akangwanangila nangu dyoni na kwanangila dyoni malove angu, muliduva lyakwida Mwana Wamunu na lishangelo lyake, mulishangelo lyolyo lyatatake na lyavanjelo vakwilimyanga, nanae munu ajo andamwanangila dyoni.

Mateu 13:49

Amu nimomo mwailota kuvalela mwisho wawakati; vanjelo vandaida ndavaapula vakalau mushipinga shavanu vaishaliya.

I Vateshalonika 1:10

na pakulota munnindile Mwanagwe aaloka kuwa, aijá wandyuwidye pakati pavakupela, Yesu átuposha mushitundi shída.

I Vateshalonika 4:16

Mwaa jo mwene Umu andashuluka kwaloka kuwa na lidi lyadimongo, lidi lyanjelo nang'olo, lidi lyalipalapanda lya Nnungu na avalá vapadíle nkati mumwe Klistu, vandava vatandi kudyuka

Mateu 13:41

Mwana Wamunu andavatuma vanjelo vake kutwala vanavo kukungailila pamo muutawala wake avilá uti vitádya lipagwe lidambi na avalá uti vatandédya ungave-lilamulo.

I Vakolintu 8:8

Doni, shakulya hashinatutadya shinu tutumbyangilike pamevo pake Nnungu; hatumamodya tukanalya na hatudyangangila tukalya.

Mateu 8:20

Yesu kushidoni, “Vanansheto vankuvanavo vivava, vyuni vyakuniania vinkuvanavo vyanda kanji Mwana Wamunu havé pashinu pakwijamidya muti wake.”

Nshuwau 21:22

Yesu kushidoni, “Ikava kenga nangu ninkulota nae apagwe mpaka pangulota kwida, wako shako nyamani? Wako po, ngwoda!”

Nshuwau 21:23

Ni ashi shitadídye dyandavale dyabali pakati pavanung'unumunu dyakushidoni, “Nkwóda aju, mwiko hapela.” Kanji hamwaulidíle doni, “Nae po, hapela,” ila amwaulidile doni, “Ikava kenga nangu ninkulota nae apagwe mpaka pangulota kwida, wako shako nyamani?”

I Vakolintu 3:13

shimadengo shakula munu shindaaneka mwaa Liduva alyo lindalodya ngala. Doni, shindaunukuligwa kwamoto na wo moto wo, undatenda nningo wainamuna yashimadengo shakula munu.

I Vakolintu 15:23

Kanji kwakula munu na mwanda wake: Klistu kuva shepo shitandi, ling'oto kwatika vamwe Klistu mukwida kwake.

Vakoloshu 3:25

aijá átenda vyakunyata, andalipigwa ko kunyata mwaa hakupali kupambula.

Tiyagu 5:7

Napavedoni mmanung'unumunu ava mmanu mmakulipililila mpaka kwida kumwe Umu. Nnole nkúlima mwanalindililila ulongo umye vyepo vyamana. Nae análipililila mpaka ulongo utanyele imbula itandi na yamwisho.

I Nshuwau 2:28

Mmanavangu napanelo pagwa nkati mwake nae kwambangidya dashi, palota kulilodya tuvenavo ntima shii patukalinyemya pamevo pake kwamwaa wadyoni.