Mateu 15:31 - Ibibiliya mu Shimakonde Imbodi Yaambi na dimbande dya Imbodi Yakala

³¹ Dimbumba dyavanu dikavone vabubu vatangola vakulamala vapona vakukwava vawena na vakuputala mevo valola, dyanavo dindímupa lishangelo Nnungu umwe Ishilaeli.

Mateu 15:31 Referans Kwoze

Mateu 9:8

Bai imbumba yavanu paigwene shitendo asho vandíjopa namene kutwala kumupa lishangelo Nnungu ávapele vanu madalaka ainamuna ai.

Lukashi 18:43

Munu jo muwakati wowo kulalenneu kutwala kumwoda Yesu apita amupa lishangelo Nnungu. Bai vanu uti vakone shitendo asho vaníntumbyanga Nnungu.

Lukashi 7:16

Vanu uti kuvainjila kujopa kutwala kumupa lishangelo Nnungu vaashidoni, “Pakati petu andyumilila nkúlava nkumene namene!” Vanavo kavili kushidoni, “Nnungu andida ndavaangangola venentete vake!”

Mateu 18:8

“Napanelo ikava kenga nkono wako kwali lidodo lyako vinu avyo vinkukutadya ukuvale, lumula ujae kushu ko. Kudyanga kwinjila mushingumi ùlamele kuliko kuvanavo makono uti mavili kwali madodo uti mavili kutwala kuka kushena kwauvele moto úkamalilika.

Mateu 9:33

Pavakumulenge lijini lyo, bubu jo kutangolenneu. Dimbumba dyavanu dindíshanga kutwala kushidoni, “Shitendo kenga ashi hashinava kwaneka akuno ku Ishilaeli!”

Nshuwau 9:24

Vanavo vakanshema kavili munu aijá e aputéle mevo kutwala kumwaulila doni, “Mupe Nnungu lishangelo! Wetu tundimanya kenga munu wene jo, nkùtega.”

Lukashi 14:21

Ntumika kuja, kummalangangila nang'olo wake malove ala uti; tatamunu mwene ing'ande jo àshimwidye andímwaulila ntumika wake kushidoni, ‘Uma shipajelo upite uwena mudibalabala na mudindila dyapalikaja upita uvatwalanga vamashikini, vakulamala namu vákalola uvaidenavo.’

Lukashi 14:13

Kanji ukapanganianga shikukulu, valalike vamashikini, vakulamala, vákalola,

Malukushi 9:43

“Nkono wako ukakutadya ukuvale, lumula. Kudyanga kwinjila mushingumi ùlamele kuliko kuvanavo makono uti mavili kutwala kuka kushena kumoto úkadimika.

Malukushi 7:37

Vashindashanga kupunda apo vaashidoni, “Uti vinu ankutenda shana, ankutadya mpaka vákaigwa vaigwe na vabubu vatangole.”

Malukushi 2:12

Bai nae kutakatuka kutwala ligadolo lyake kuma vanu uti vamwona kutwala vovo vo kushanga na kumupa lishangelo Nnungu vaashidoni, “Wetu shinu ashi, mwiko hatunava kwona.”

Mateu 21:14

Mo mwing'ande ya Nnungu mo, kumwidila vakuputala mevo na vakulamala nae kuvaponia.

Mateu 8:10

Yesu paigwite malove ala andíshanga na andívaulila avalá váshimwoda kushidoni, “Ninkumwaulila mwiu doni, ku Ishilaeli akuno hangunava kumwona munu walikulupililo kenga aju.

Mateu 9:32

Vovo vo vauka, mwe! Vanu vakamwidanavo munu jumo bubu walijini.

Mateu 15:30

Bai popo po kumwidila dimbumba kwadimbumba dyavanu vavaidanavo vakulamala, vakuputala mevo, vakukwava, vabubu na vanji vaté kwinjipa, kuvavika mmadodo mwake, nae kutwala kuvaponia.