Mateu 13:55 - Ibibiliya mu Shimakonde Imbodi Yaambi na dimbande dya Imbodi Yakala

⁵⁵ Aju da i jo mwanagwe nkúveda aijá? Anyoke aju i Maliya? Vanung'unuvake i Tiyagu, Yoshe, Simoni, namu Yudashi?

Mateu 13:55 Referans Kwoze

Nshuwau 6:42

Vanavo vandítangola vaashidoni, “Da aju i Yesu mwanagwe Yoshe? Tatake na anyoke, wetu tundivamanya. Napanelo atangola dashi doni, ‘Ngwaleké kuwa’?”

Malukushi 6:3

Na aju i jo nkúveda mwanagwe Maliya, nkulugwe Tiyagu, Yoshe, Yudashi namu Simoni? Da valumbuvake i ava vavéle namu wetu apa?” Vanavo mwaa wake nae ishindavanyatila.

Lukashi 3:23

Napanelo Yesu patunduvenge shimadengo shake àvenavo vyaka salasini vyaulinga vammanya kuva mwanagwe Yoshe kenga mwavashikumbukilila, Yoshe aju kuva mwanagwe Yeli,

Lukashi 4:22

Vanu uti vashindamwimyanga na vashinanshanga vyambone vyashitangola kutwala kushidoni, “Da aju i jo mwanagwe Yoshe aju?”

Nshuwau 19:25

Napanelo pepi na panshalaba umwe Yesu andípagwa anyoke, nkulugwe anyoke, Maliya ndyagwe Kolopashi namu Maliya wa ku Magadalena.

Malukushi 15:47

Napanelo Maliya wa ku Magadalena pamo namu Maliya anyoke Yoshe vandyóna lyutu alyo lyavavikíle mili umwe Yesu.

Vagalata 1:19

Koko ko, handivagwene vamyombe vanji ila Tiyagu nung'une Umu.

Lukashi 24:10

Napanelo vakongwe vaidínavo dyabali adyo kwavamyombe vavele ava: Maliya wa ku Magadalena, Shuwana, Maliya anyoke Tiyagu pamo na vakongwe vanji vavéle mushipinga shosho.

Lukashi 1:27

kwamwali jumo ntete we wantamadíle nnemba jumo kunnomba walina Yoshe walikola limwe Daudi. Mwali aju vashinshema Maliya.

Malukushi 15:40

Namomo popo po, vandípagwa vakongwe vàimilenge kushu valola. Pakati pave vanji vo vavele ava: Maliya wa ku Magadalena, Maliya anyoke nnemba ndikidiki Tiyagu namu Yoshe pamo namu Shalome.

Mateu 27:56

Pakati pavakongwe avo, andípagwa Maliya wa ku Magadalena, Maliya anyoke Tiyagu namu Yoshe na kupagwa jujugwave vanavake Shebedeu.

Nshuwau 9:29

Wetu tundimanya shana kenga Nnungu anditangola shalowa namu Musha kanji munu ajo kwalakadile, hatumanyite.”

Yudashi 1:1

Nangu Yudashi ntumwa umwe Yesu Klistu na nene ni nung'une Tiyagu, kwenu mwenu mmakushamegwa múnagwaleka nkati mumwe Nnungu Atata na múshungigwa kwamwaa umwe Yesu Klistu.

Lukashi 8:20

Vanu kumwaulila, “Anyoko pamo na vanung'unuvako vapali panda po, valota wonanenavo.”