Mateu 13:36 - Ibibiliya mu Shimakonde Imbodi Yaambi na dimbande dya Imbodi Yakala

³⁶ Napanelo Yesu palakile imbumba yavanu ailá, akauka ndainjila nng'ande. Vakwoda vake vakamuukila ndanjugwa, “Twaulila mana ankong'o wanashitani mulishamba.”

Mateu 13:36 Referans Kwoze

Malukushi 8:9

Palyutu alyo vanu vavele dyalupu nsheshe, bai nae andívalaila.

Malukushi 7:17

Napanelo akanyeme paimbumba apalá, painjidile nng'ande, kwamwaa wankong'o aulá vakwoda vake kumudya.

Malukushi 6:45

Yesu kutwala kuvakanyalidyangidyanneu vakwoda vake vakwalange mwingalava vauke valangalela litanda nkono unji yani ku Beteshaida vanneke nae alaila imbumba yavanu.

Mateu 13:11

Yesu akavajang'ula kushidoni, “Mwaa mwenu vanintadya mumanye vipii vyautawala wakuwa kanji vanavo mene.

Mateu 13:1

Muliduva lyolyo Yesu paumidile panda andyúka ndaikala nanyenje litanda.

Mateu 9:28

Akainjila nng'ande, vakuputala mevo vo kummandika nae kuvaudya, “Mwenu munkukulupila mwiu kenga nangu ninkuulula kumwangangola?” Vanavo do, “Elo nang'olo.”

Mateu 15:39

Bai Yesu akavalaile venentete vo, andíkwela mwingalava kuka isemu ya ku Magadana.

Mateu 14:22

Yesu kutwala kuvakanyalidyangidyanneu vakwoda vake vakwalange mwingalava vauke valangalela litanda nkono unji vanneke nae alaila imbumba yavanu.

Malukushi 4:34

Hashitangola na vanu bila kutumila mikong'o kanji pashipagwa na vakwoda vake gweka uti ashindavavalangangila mana ake.

Mateu 13:18

“Mwenu napanelo igwilila mana ankong'o wankúpanda.

Mateu 13:25

Napane shilo vanu vàlalenge lwono, mmongo kwida ndapanda imbeju yanashitani mo mmapondo angano kutwala kulyukila.