Mateu 12:46 - Ibibiliya mu Shimakonde Imbodi Yaambi na dimbande dya Imbodi Yakala

⁴⁶ Napanelo Yesu akuno atangola na imbumba yavanu, mwe! Anyoke pamo na vanung'unuvake kwida panda ndajugwa vatangonavo.

Mateu 12:46 Referans Kwoze

Mateu 13:55

Aju da i jo mwanagwe nkúveda aijá? Anyoke aju i Maliya? Vanung'unuvake i Tiyagu, Yoshe, Simoni, namu Yudashi?

Nshuwau 2:12

Ling'oto lyavinu avyo andyálela kuka ku Kapalanaumu pamo na anyoke, vanung'unuvake na vakwoda vake. Koko ko, vandíikala maduva avaikalénge.

Nshuwau 7:5

Mwenu, ata vo vanung'unuvake ava, havashinkulupila.

Nshuwau 7:3

kutwala vanung'unuvake kumwaulila doni, “Twala mwanda uke ku Yudeya pakulota vakwoda vako vone shimadengo shako shautenda.

Vitendo 1:14

Bai vanavo uti kwaunapamo vashindashwali; vashindashwalinavo Maliya anyoke Yesu na vanung'unuvake Yesu pamo na vakongwe vanji.

Malukushi 6:3

Na aju i jo nkúveda mwanagwe Maliya, nkulugwe Tiyagu, Yoshe, Yudashi namu Simoni? Da valumbuvake i ava vavéle namu wetu apa?” Vanavo mwaa wake nae ishindavanyatila.

Vagalata 1:19

Koko ko, handivagwene vamyombe vanji ila Tiyagu nung'une Umu.

I Vakolintu 9:5

Hatuvenavo aki yakutupalakela ndyamunu nkwóda kenga mwavatandela vamyombe vanji, vanung'unumunu vamwe Umu pamo namu Kepashi?

Nshuwau 7:10

Napane vanung'unuvake vakauke kushikulu ko, nanae andyúka kanji haukíle ngala, aukile shipiipii.

Lukashi 2:48

Tatake na anyoke pavangwene, vandíshanga kutwala jujumunu kushidoni, “Mwanangu, mwaa shani unditutenda davo? Shapo lola, nangu pamo na tatako tundidumbadumba tukulambela.”

Lukashi 8:10

Nae kushidoni, “Mwenu jo vanintadya mumanye vipii vyautawala wa Nnungu kanji vanji vo, ‘vipii avi vandavavalangangila kwamikong'o kwambangidya valola avi, havanone shinu na vaigwilila avi, havanamanye shinu.’

Malukushi 2:21

Hapali munu ánatwala shipande shainguvo yaambi kutenda shivamba mwinguvo yakala; ukatenda davo shivamba sho shindalikukutika kutwala inguvo yakala yo kumamodya kupapuka.

Nshuwau 2:5

Bai jujumunu andívaulila avalá vatumika vapaing'ande doni, “Vinu uti vyalota kumwaulila, mwenu tandedya.”

Lukashi 2:33

Tatamunu namu jujumunu kutwala kushanga mwaa wamalove áshitangaleka amwamba mwana.

Nshuwau 2:1

Muliduva lyantatu shindítandeka shikukulu shashitamo ku Kanaa ya ku Galileya na koko ko, andípagwa anyoke Yesu.

Lukashi 2:51

Nae andyúja shalumo namu vanavo kuka ku Nashaleti; tatamunu namu jujumunu nae ashindavaishimu. Napanelo jujumunu vinu avi uti ashindavika muntima.

Mateu 2:20

ndamwaulila doni, “Takatuka, ntwale mwana jo pamo na anyoke uke kushilambo sha ku Ishilaeli mwaa avalá váshilota kwovya shingumi shamwana, vandipalanga.”

Mateu 2:11

Pavainjilenge nng'ande vandímwona nunu jo pamo na jujumunu Maliya, vanavo kunguguvalila kulipudya kutwala kuutukulanga vituvi vyave kumupa dinudyo adi: shaabu, ubani na mila.

Mateu 1:18

Napanelo Yesu Klistu aju, kuvalekwa kwake kuvele doni. Jujumunu Maliya wantamadíle Yoshe pakulota kunnomba kanji vakanava kulambana, Maliya andíimita kwaindila ya Imumu Wanashwe.

Nshuwau 19:25

Napanelo pepi na panshalaba umwe Yesu andípagwa anyoke, nkulugwe anyoke, Maliya ndyagwe Kolopashi namu Maliya wa ku Magadalena.

Lukashi 1:43

Da yaleké dashi anyoke Umu wangu kwida nangulola nangu?

Mateu 12:47

Munu jumo kumwaulila Yesu, “Panda po, andida anyoko pamo na vanung'unuvako valota vatangole namu wako.”

Lukashi 2:34

Bai Shimiyau andívaalaliya na kumwaulila jujumunu Maliya kushidoni, “Mwana aju alota kuva shambyombyo shakuvatadya vanaishilaeli vanji vagwe, vanji vatakatuke; alota kuva shimanyikilo shilóta kunyatilika na vanu.