Mateu 12:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ Yesu amanya makumbukililo avo andívaulila kushidoni, “Kula utawala ukalijavanianga ubyaananga shivenevene, utawala awo undatimbikanga. Haupali njini kwali likola lilijavaniánga kutandana ing'ondo shivenevene lilóta kulikukumula.

Mateu 12:25 Referans Kwoze

Vagalata 5:15

Kanji ikava kenga mwenu munkulumana na kumamanana shivenevene, lilaledye kwambangidya hamunabamalanange.

I Vakolintu 2:11

Da nyani ámanyite makumbukililo amunu paikava yo imumu yamunu ipagwíte nkati mwake? Nimumo momo hapali ámanyite makumbukililo ake Nnungu pakava jo Imumu wake Nnungu.

Mateu 9:4

Yesu amanya makumbukililo ave andívaulila doni, “Mwaa shani munkukumbukila kunyata mmitima myenu?

Maono 16:19

Njini ukumene aulá undíjavanika disemu nnatu, navyanavo minjini vyavenentete vindíbamalegwa. Nnungu andíkumbukila njini ukumene wa Babiloni kutwala kwing'a shikombe shavinyu shakushimwa kwake.

Vabalaniya 4:13

Hashipali shuumbígwe shilipiídye pamevo pake Nnungu. Uti vivelé mwandwa na palangele pamevo pamwe aijá patulota wetu kwitikanga.

Malukushi 2:8

Yesu muntima mwake andímanya ashilá shavashitangadikanga vanavo nadoni andívaudya, “Mwaa shani mwenu munkuvanavo matangadikilo alo mmitima myenu?

Maono 2:23

Ndavamalidya vana vankongwe aju. Nadoni maganisha uti andamanya do, nangu ni nalalyanga ntima pamo na makumbukililo, namomo nannipa mwenu kwodana na matendo enu.

Nshuwau 21:17

Kutwala kumudya mwanda wantatu, “Simoni mwanagwe Nshuwau, da wako unkungunagwaledya?” Patulu shindímwida shipalodi kwamwaa wakumudya mwanda wantatu doni, “Da wako unkungunagwaledya?” Napanelo anínjang'ula do, “Umu, wako undimanya vinu uti na undimanya kenga nangu ninkukunagwaledya.” Yesu kushidoni, “Valishe vangandolo vangu.