Mateu 12:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Yesu pamanyite nnugu wave, mulyutu alyo andílyumadyanga kutwala imbumba ing'umene yavanu kumwoda, nae valwele uti kuvaponia.

Mateu 12:15 Referans Kwoze

Mateu 10:23

Panjini umo vakampapata tukutila njini unji. Ninkumwaulila mwiu doni, hamumalila shinu minjini uti vya ku Ishilaeli Mwana Wamunu ákanava kwida.

Nshuwau 11:54

Kwaing'ano ayo, Yesu hashiwena kavili ngala pakati pavayuda ila andyúma kuka isemu ívele pepi na kushimbweshe palikaja lyavashema Epulaimu. Pashinu apo, nae andíikala na vakwoda vake.

Nshuwau 7:1

Ling'oto lyavinu avyo Yesu ashipita awena mumakaja a ku Galileya bai. Nae hashilota kupita awena mumakaja a ku Yudeya mwaa vayuda vashindalambela dindila dyakulota kummalididya.

Mateu 19:2

Dimbumba dyavanu dindímwoda koko, nae kutwala kuvaponia.

Malukushi 6:56

Kulyutu lyoelyoe kwashuka nae, mminjini mmakaja madikidiki kwali mmagwelu, vanu vashindavatwala valwele kuvaladya mumautu aumbala kutwala kunjugwangila avaleke valwele vankwae padyoko vela munkumbu waikanju yake. Uti avalá váshinkwaa, vashindapona.

I Patulu 2:21

Ashi ni shavanshamalele mwenu; mwaa Klistu momo andyuvauvanga adiva lyutu lyenu annakela mpano kwambangidya mwenu mwodedye mwalivete nae.

Vagalata 6:9

Hatunadobe kutenda wambone mwaa tukanadabadabangila, pauwika wakati wake po, tundapuna.

Nshuwau 9:4

Indituvaikila tukole madengo amwe aijá ángutumididye uvé wo mui au. Shilo shinkwida pakaulula munu kukola madengo.

Lukashi 6:12

Mumaduva lolo lo, liduva limo Yesu andyámbwakela kumashinga ndashwali; shilo uti andíshwedya anjugwa Nnungu.

Lukashi 5:22

Yesu nae akamanye makumbukililo ave, andívajang'ula kushidoni, “Mutangadikanga nyamani mmitima myenu mo?

Lukashi 9:11

Kanji imbumba yavanu ikammanye mwawanalele, indímwoda. Nae kuvapwashalela kutwala kutangonavo ing'ano yautawala wa Nnungu na kuvaponia vilwele vanu váshibidi kuvaponia.