Mateu 11:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Da muukile ndalola nyamani? Nannola munu ágwalidile dinguvo dyabei? Mwenu, vanu vagwalíla dinguvo dyabei vaikala muding'ande dyavaumu.

Mateu 11:8 Referans Kwoze

Mateu 3:4

Jo Nshuwau aju ashigwala dinguvo dyavakandyénge na magwimbu angamila, kulyunga nkanda waligwogwe na shakulya shake kuva madalombwe na ushi wakunundu.

Maono 11:3

“Nene ndavapa lilamulo vashuda vangu vavili, vanavo vandalava mumaduva alupu imo dimiya mbili na sitini vàgwalenge maguni.”

II Vakolintu 11:27

mushimadengo shakupwateka, shilo myanda vyoe bila lwono, mwindala na mwinyota, mukwova shakulya myanda vyoe, mukudidima imepo na muwou.

I Vakolintu 4:11

Mpaka ambi apa tunkuvauvanga indala na inyota, tunkuvanavo wou, vankutukanyola malatuma, hatuve lyutu lyakwikala,

Mateu 11:7

Napanelo vakwoda vake Nshuwau akuno vauma, Yesu andítunduvanga kumanyiya imbumba yavanu ing'ano imwe Nshuwau aashidoni, “Da mwenu muukile ndalola nyamani kushimbweshe akulá? Muukile ndalola udani úshipunga imepo?

Mateu 11:9

Kanji napanelo muukile ndalola nyamani? Muukile nannola nkúlava? Elo, ninkumwaulila doni, nae pankulava po, andipunda.

Lukashi 7:25

Kanji muukile ndalola nyamani? Muukile nannola munu ágwalangidile shana? Mwenu! Vagwalangidíle dinguvo dyakushenga na vanáma mukupuwanga, vaikalanga muding'ande dyavaumu.