Mateu 11:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ “Upambale wako Kolashimu! Upambale wako Beteshaida! Makango atandéke kwenu leka àtandeke ku Tilu namu ku Shidoni, vanavo doni vàlijugulenge tangu kala. Doni vàlitaenge maguni na vàpakalenge liu.

Mateu 11:21 Referans Kwoze

Vitendo 12:20

Napanelo Elode, ashindavavikila namene shitundi venentete va ku Tilu namu va ku Shidoni, vanavo kutwala kunga shipinga kuka nannola ling'oto lyakunshomba Balashitu, mmádengo nang'olo wapaing'ande imwe umu, vandíjugwa pakulota ipagwe amani mwaa shakulya shavashilya mmakaja ave shishaalakela kushilambo shake Elode.

Nshuwau 12:21

Vovo vo, vandímuukila Pilipo munu wa ku Beteshaida ya ku Galileya nanjugwa doni, “Nang'olo, wetu tulota tumwone Yesu.”

Lukashi 9:10

Napanelo vamyombe vake avalá pavaujite vanímmalangangila uti vinu vyavatandile. Kutwala apo Yesu andívaukanavo nkono wakunjini wa Beteshaida vanyema padyoko.

Malukushi 6:45

Yesu kutwala kuvakanyalidyangidyanneu vakwoda vake vakwalange mwingalava vauke valangalela litanda nkono unji yani ku Beteshaida vanneke nae alaila imbumba yavanu.

Mateu 15:21

Napanelo Yesu paumile palyutu alyo andyúka kwisemu ya ku Tilu na ya ku Shidoni.

Yudashi 1:11

Vapambale! Mwaa vanavo vankwodedya indila yoyo imwe Kaimu kwamwaa wapaida, vanavo vandiliinjidyanga mumakosha lolo amwe Balaau, nimumo momo vandabamolegwa nkati mukupinga kumwe Kola.

Nshuwau 1:44

Pilipo avele mwenentete wa pa Beteshaida likaja limwe Andaleya namu Patulu.

Lukashi 6:17

Yesu andyálenavo vamyombe avalá kuka ndaikalanga pantadala. Popo po, shindípagwa shipinga shikumene shavakwoda vake na kupagwa imbumba yavenentete vakwalakela mumautu uti ashilambo sha ku Yudeya, vakwalakela ku Yelusalemu, vanji vakwalakela nanyenje imanga ya ku Tilu na ku Shidoni.

Malukushi 8:22

Vanavo vakauka ndawika pa Beteshaida. Pavawikile, vankumwidanavo kumwe Yesu munu jumo wakuputala mevo kunjugwangila ammikile makono.

Malukushi 7:31

Napanelo Yesu andyúma mwisemu ayo yananyenje mwake likaja lya Tilu kupita ku Shidoni kuka mpaka kulitanda lya Galileya apitila shilambo sha Dekapolishi.

Malukushi 3:8

vanu voe vakwaloka ku Yudeya, ku Yelusalemu, ku Idumeya, vakwalakela nkono unji wa Yudani na nanyenje likaja lya Tilu namu Shidoni; kumwoda mwaa wakwigwinikanga vinu uti vyashitenda nae.

Mateu 18:7

Shipambale shilambo kwamwaa wavitendo vivatádya vanu vatege. Ngwengwe vyakunyata vivatádya vanu vatege vindaumilila napane apambale aijá álota kwidanavo vyakunyata avyo!

Mateu 11:22

Nangu ninkumwaulila mwiu doni, muliduva lyaukumu vatilu namu vashidoni vandadyanga kuliko mwenu.

Vitendo 27:3

Palyamba lyake tuvanu kuwika panshiko wa ku Shidoni. Napanelo Shulyu pakuva ashinantanana Paulu, andímupa litala lyakuka ndavalola vabwadivake va pa Shidoni na vanshunge.

Lukashi 4:26

Napanelo Nnungu hantumíle Liyashi kuvaukila vanamwili ava kanji antumile pa Shalapeta bai, kushilambo sha Shidoni akulá kwankongwe namwili washilambo asho.

Malukushi 7:24

Napanelo Yesu andyúma palyutu alyo kuka kwisemu yananyenje mwake likaja lya Tilu. Koko ko, nae awika paing'ande imo ashilota alipiyange kanji haiyululíke.

Mateu 26:24

Mwana Wamunu andapalela kenga mo mwavandikidile vamwamba nae napane apambale aijá álota kunnimya Mwana Wamunu jo! Munu ajo kudyanga hanavalekwe.”

Maono 6:12

Napanelo ndílola kumwona Ngandolo pashinamatula ishelu yasita kutwala kuumilila shindangenda. Liduva lindídimba kenga inguvo yakaniki na mwedi uti kukunduvala kenga myadi;

Maono 11:3

“Nene ndavapa lilamulo vashuda vangu vavili, vanavo vandalava mumaduva alupu imo dimiya mbili na sitini vàgwalenge maguni.”