Mateu 11:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ “Napanelo vanu vaimbula ai ndivalinganiange na nyamani? Vanavo vavelé kenga vadyoko vaikalénge mumautu aumbala vaulanila doni,

Mateu 11:16 Referans Kwoze

Lukashi 13:18

Kutwala Yesu kavili kushidoni, “Utawala wa Nnungu ngulandaniange na nyamani na uvelé mwanyamani?

Malukushi 4:30

Kutwala kavili kushidoni, “Utawala wa Nnungu tulandaniange na nyamani kwali tutumile nkong'o shani pakulota tuvalangange shana?

Mateu 23:36

Ninkumwaulila mwiu doni, shaushanga ashi shindavawikila vanu vaimbula ai.

Mateu 12:34

Mmanu mmashinankulaba mmakunyata mitima mwe! Mwenu mulota kutangola dashi malove ambone akuno mùvele mmanu mmakunyata mitima? Munu atangola vimuumbéle muntima mwake.

Mateu 24:34

Ninkumwaulila mwiu doni, vanu vaimbula ai havamalilika vinu avi vikanava kutandeka.

Mateu 11:15

Aijá ávenavo matu akwigwidya, aigwe.

Mateu 11:17

“ ‘Tundimwambela magoma, mwenu hamuvinile. Tundimba dimu dyashililo, mwenu hamulidile.’

Mateu 23:7

Vanavo mumautu aumbala kuvanagwela vavaudyange na ishima na vanu vavasheme ‘Labi.’

Malukushi 12:38

Yesu pashipundisha ashitangola doni, “Lilaledye na vamwalimu vadishaliya! Vanavo kuvanagwela namene kugwala mikwakwala muumbala vaudyangigwe na ishima,

Lukashi 11:43

Mupambale mwenu mmapalishayo! Mwenu múnagwaledya kwikala mumautu akulikwedya amuvitala vyakulipudidya na múnagwaledya namene kumuudyanga na ishima ing'umene muumbala.