Mateu 10:37 - Ibibiliya mu Shimakonde Imbodi Yaambi na dimbande dya Imbodi Yakala

³⁷ “Aijá ánnagwaledya namene tatake kwali anyoke kuliko mwangunagwaladyedya nangu, ajo kwangu nangu havaikidile. Namomo aijá ánnagwaledya namene mwanagwe nnume kwali nkongwe kuliko mwangunagwaladyedya nangu, ajo momo kwangu nangu, havaikidile.

Mateu 10:37 Referans Kwoze

Lukashi 14:26

“Munu akaida kwangu alota kungwoda nangu kanji akanamwiludyanga tatake, anyoke, ndyagwe, vanavake, vakuluvake kwali vanung'unuvake, valumbuvake na ata kwiludyanga shingumi shake, hava shinu nkwóda wangu.

Mateu 22:37

Yesu kushidoni, “Nnagwaledye Umu, jo Nnungu wako na ntima wako uti, ungumi wako uti na ding'anong'ano dyako uti.

Lukashi 21:36

Ngwengwe muve mevo mujugwa mupate dimongo kwambangidya vilóta kutandeka vyo vinkowe na mwimile bila kujagajega pamevo pake Mwana Wamunu.”

Mateu 22:8

“Napanelo nae kuvaulila vatumika vake kushidoni, ‘Shitamo ashi mwiu shivelé tayali kanji napanelo vakulalikigwa havavaikidile.

Nshuwau 5:23

kwambangidya vanu uti vamwishimu Mwana kenga mwavamwishimila Tatamunu. Ákamwishimu Mwana hanamwishimu shinu Tatamunu, aijá ántumididye.

Lukashi 20:35

kanji avalá vavóna Nnungu kuvaikila vapate mautu muwakati wída na mukudyuka pakati pavakupela, vanavo havalombana.

Maono 3:4

Ata ive davo ko ku Shalideshi ko, unkuvanavo vanji padyoko vákanyatyenge dinguvo dyave. Vovo vo, vandawena namu nangu vàgwalenge dinguvo dyave dyanashwe mwaa vandivaikila.