Mateu 10:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ “Napavedoni vanavo hamunavajope. Hashipali shinu shilipiídye shíkaundukuka na hashipali shinu shashipii shíkaumilila kulangele.

Mateu 10:26 Referans Kwoze

Lukashi 8:17

Ivelé doni, hashipali shinu shilipiídye shilóta hashinaundukuke na ata hashipali shinu shíkamanyika shilóta hashinamanyike.

Malukushi 4:22

Hashipali shinu shashipii shíkavele shakulota kwaulika na hashipali shinu shilipiídye shíkavele shakulota kuumilila kulangele.

I Vakolintu 4:5

Nadoni hamunaukumu wakati ukanava, do Umu akanava kwida. Nae andavika palangele vilipiídye mushii na kulyumilidya ngala makumbukililo ammitima. Bai apo kula munu andapata lutumbyango lwake kwa Nnungu.

Mateu 10:28

Hamunavajope avalá vabyáa mili vákaulula kubyaa ungumi ila njope jo áulula kubamola uti mili ungumi kushena.

I Patulu 3:14

Kanji ikava kenga mundauvauvanga kwamwaa waishaliya, mwenu po mundaalaligwa. “Hamunavajope vanavo; namomo hamunashushukange.”

Vitendo 4:19

Kanji Patulu namu Nshuwau kuvajang'ula kushidoni, “Da ni shambone pamevo pake Nnungu kumwigwilila mwenu kwali kumwigwilila Nnungu? Amuwa mwemwe mmene!

Vitendo 1:8

kanji mwenu mundapata dimongo dya Imumu Wanashwe álota kumwidila na mwemwe mundava mmashuda vangu kutunduvangila pa Yelusalemu, ku Yudeya, ku Shamaliya mpaka mwisho washilambo.”

Vitendo 4:13

Napanelo vakone ntima shii umwe Patulu namu Nshuwau vamanya kenga vavele vanu vákashamidye na vanu vila tu, vandíshanga namene kutwala kwanalela kenga vovo vo, vandinama namu Yesu.

Lukashi 24:47

na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu.