Maono 9:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Namomo havalijugulénge yakubyaa kwave, yawavi wave, yakulavalava kwave na yakwiva kwave.

Maono 9:21 Referans Kwoze

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”

Maono 22:15

Vandaikala panda vang'avanga, vavi, vakulavalava, vakubyaa, valipúdya kwavannungu pamo namu avalá vanagwalédya na vatandédya vyakushang'apa.

Maono 17:5

Pashenye pake vandyandika lina lyashipii, “Babiloni nkumene; jujumunu wamalaja na wavyakudabukanga vyamushilambo shapai.”

II Vakolintu 12:21

Ninkujopa pangwida kavili po, Nnungu wangu kunguvika mudyoni pamevo penu na ndatangadikanga kwamwaa wa avalá vatagíle kala kutwala mene kulijugulanga kwaushapu, kwauwendi na kwakulauka kwavatandile.

Maono 17:2

aijá wavatandinavo vyakulauka vaumu vamushilambo; vanu vanáma mushilambo, vandyambalwa vinyu vyakulauka kwake.”

Maono 18:3

Mwaa venentete uti vandikumbila vinyu vyashitundi shawendi wake. Vaumu vamushilambo vanditenda vyakulauka namu nae, vamishulusho vamushilambo kutajilika poe kwadimongo dyashinamidyo shake shaditamaa.”

Maono 16:6

Mwaa vanavo vandijaa myadi vyavakwilimyanga pamo na vyavakulava, wako undivapa myadi vakumbile; amo ni muvavaikidíle.”

Maono 14:8

Njelo wambili andímwatika aashidoni, “Andipandamoka! Andipandamoka Babiloni nkumene átadidye venentete uti vakumbile vinyu vyashitundi vyakulavalava kwake.”

Vagalata 5:20

kulipudya kwavannungu vakushang'apa, wavi, umongo, ungaigwania, liu, shitundi, shojo, mitau, kumwadilikananga,

Mateu 15:19

Muntima mwamunu munkuma makumbukililo akunyata, kubyaa, kunama nankongwe waukannambile, kulavalava, kwiva, ushuda waushwang'a na kukupulu.

Maono 19:2

mwaa ukumu yake ni yaumwiu na yaishaliya. Nae andimuukumu lilaja nkumene áshitindinganianga shilambo kwakulauka kwake. Aninnipilila kwamyadi vyavatumika vake vyajaile nae kwamakono ake.”

Maono 13:15

Vandímupa lyululilo lyakupa shingumi alilá lishinamu lyalidimu ntandi. Lyolyo lyo kutwala kutangola na kutadya vabyaigwe avalá uti vákashilota kulipudya kulishinamu alyo.

Maono 13:13

Bai lidimu wambili aju ashindatenda vimanyikilo vikumene ata mpaka kutadya moto ushuluke kuwa wide pai pamevo pavanu.

Maono 13:7

Vandímupa lyululilo lyakuvatandela ing'ondo vakwilimyanga na kuvatema. Namomo vandímupa madalaka akutawalila kula likola, venentete, inangodi na shilambo.

Maono 9:20

Avalá vákapadile muvyaushanga avyo, havalijugulénge ata padyoko vela yakulipudya kwamajini na kwavinu vyavakandyenge vo vene yani mashinamu ashaabu, alyava, ankuva, amajanga pamo na amilandi, ákaulula kulola, kwigwa na ata kuwena.

Maono 17:4

Nkongwe jo agwete ligauni lyailangi yanshambalau na yanauvi; andílinemya na shaabu, majanga amali na vyuma vyabei yoe. Mmakono mwake andínyukata shikombe shashaabu shuumbéle vinu vyakudabukanga na vishapu vilódya vyakulauka kwake.