Maono 9:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Lidi alyo lishimwamba njelo wasita avénavo lipalapanda, lidi lyo lishishidoni, “Vaungule vanjelo nsheshe vaungwídye pepi na palundi lukumene lwa Eupalati.”

Maono 9:14 Referans Kwoze

Maono 16:12

Napane njelo wasita andímiminila ndamu mulundi lukumene lwa Eupalati kutwala medi alundi alwo, kupwalela kwambangidya vapanganiange indila ya avalá vaumu vakwalakela kwalyaloka liduva.

Maono 9:15

Nadoni vandyúnguligwa avalá vanjelo nsheshe vavapanganienge kwambangidya mwisaa ayo, liduva alyo, mwedi awo na mwaka awo, vabyae imbandi yantatu yavanu.

Maono 8:6

Napanelo avalá vanjelo saba ve vanyukéte mapalapanda saba vandílipanganianga pakulota kwomba mapalapanda.

Maono 7:1

Napanelo vikapite avyo, ndívona vanjelo nsheshe vàimilenge mumatununa nsheshe amushilambo vàkamwile dimepo nsheshe dyamushilambo vadivilila kwambangidya hadinapungile shilambo, ata imanga na ata nnandi woewoe.

Maono 8:2

Napane ndívona vanjelo saba vàimilenge mushu mwake Nnungu na vavapa mapalapanda saba.

Maono 7:2

Namomo ndímwona njelo junji akwela kwalyalakela liduva ànyukete shinu shakuntaila namakong'o wa Nnungu mumi. Nae andítangola pashanya po avaulila vanjelo nsheshe avalá vavapéle shimadengo shakwananganga shilambo, imanga