Maono 9:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Njelo wamwanu andyómba lipalapanda kutwala nangu kwona inondo ikanywéke kuwa ìgwilidile pai. Inondo jo vandímupa mungulilo wannango wa ku Litavaleva.

Maono 9:1 Referans Kwoze

Maono 8:10

Njelo wantatu andyómba lipalapanda kutwala kuwa ko kumatuka inondo ing'umene kenga likamu lyamoto likaléla ndagwilila mwimbandi yantatu yadyundi na mwapandukanga medi:

Maono 9:2

Napane akaungule nnango wa ku Litavaleva, lyoi lyamulitavaleva lindíkwela, lyolyo lyo livele kenga lyapashivanda shikumene. Liduva pamo na niania vindídimba kwamwaa walyoi líshaalakela ku Litavaleva.

Valoma 10:7

kwali, “ ‘Nyani álota kushuluka kulitavaleva?’ ” yani amwidenavo Klistu pashanya

Maono 1:18

Nangu Ninene Ngúnama; ndípela kanji napane lola, ninkunama ngwengwe ngwengwe! Nangu ni Nimwene myungulilo vyungulíla Kupela na Kumoka.

Maono 20:1

Napanelo kuwa ko ndímwona njelo ashuluka, mmakono mwake ànyukete mungulilo wa ku Litavaleva na mang'unyang'unya makumene.

Maono 17:8

Lidimu waungwene jo, andípagwa kanji napane hanapagwa shinu. Nae andauma ambi popa ku Litavaleva kwida ndabamalegwa. Vanu vanáma mushilambo shapai uti vákaandikigwe mena ave mulibuku lyashingumi tangu kukandyangigwa shilambo, vanavo vandashanga pavalota kumwona lidimu mwaa andípagwa, napane hanapagwa shinu kanji andapagwa kavili.

Lukashi 8:31

Napanelo majini alalá anínjugwangila Yesu hanavajele kulitavaleva.

Maono 8:12

Njelo wansheshe andyómba lipalapanda kutwala kuligwa imbandi yantatu yaliduva, yamwedi, yadinondo na mpaka imbandi yantatu yavinu avyo indídimba. Imbandi yantatu yamui na yashilo momo, indídimba do pii!

Maono 8:2

Napane ndívona vanjelo saba vàimilenge mushu mwake Nnungu na vavapa mapalapanda saba.

Maono 20:10

Ndamoni áshivaduwanga, vaninjela mulitanda lyamoto likaléla na ipataki mo mwavele lidimu pamo namu nkúlava wakushang'apa. Amo vanavo vandapata mauvilo ngwengwe ngwengwe shilo na mui.

Maono 1:20

Shipii shadinondo saba dyaugwene munkono wangu wakunkanakono na shipii shaditaa saba dyashaabu, mana ake ni ala: dinondo saba ni vanjelo vamaganisha saba na ditaa saba dyashaabu ni maganisha saba.

Lukashi 10:18

Yesu kushidoni, “Nangu ndimwona Shatwani agwa kuwa mwainaa yamoto.

Maono 6:13

dinondo dyakuwa dindígwangila pai kenga mwembe mwanapakatikangila membe mambii ikapunga imepo ing'umene;

Maono 11:7

Napanelo pavamalila ushuda wave, lidimu wakwalakela ku Litavaleva andavatenda ing'ondo kutwala kuvatema na kuvabyaa.