Maono 8:3 - Ibibiliya mu Shimakonde Imbodi Yaambi na dimbande dya Imbodi Yakala

³ Andíwika njelo junji apalá palutali ànyukete shombo shashaabu shavanatutumididya lubani, kwimila. Jojo jo, vandímupa lubani lwoe lwakulota kwanganianga na kushwali kwavakwilimyanga uti akaumye palutali lwashaabu luvéle mushu shiteng'u.

Maono 8:3 Referans Kwoze

Maono 5:8

Akapwashalele, avilá viumbi nsheshe pamo namu avalá vanang'olo ishilini na nsheshe vandíguguvalanga mpaka vyenye kundondya pai mushu mwa Ngandolo. Kula munu pakati pave andívanavo kanyembe na midamu vyashaabu vyakuumbala lubani, vyanavo ni kushwali kwavakwilimyanga.

Maono 8:4

Mmakono mwanjelo mundyúma lyoi lyalubani pamo na kushwali kwavakwilimyanga kuka kwa Nnungu.

Lukashi 1:10

Pauwikile wakati wakututumidya lubani, imbumba yavanu uti ivele panda ishwali.

Maono 9:13

Njelo wasita andyómba lipalapanda kutwala nangu kwigwa lidi lyakwaloka mmatununa nsheshe a alutali lwashaabu avé mwadimembe luvéle pamevo pake Nnungu.

Vabalaniya 9:4

kushinu kushipagwa alutali lwashaabu lwakututumididya lubani pamo na lishanduku lyaimbodi lyavambumbukidyenge kula upande na shaabu. Lishanduku ali, shindípagwa shombo shashaabu shivénavo manaa, ipimbo imwe Aloni íshiipukila, namomo kupagwa mabau aimbodi.

Vabalaniya 7:25

Napavedoni nae ankuulula kuvaambole-uti avalá vammandíka Nnungu kwaindila yake pakuva jojo jo, ankunama ngwengwe pakulota kuvajungwangila vanavo.

Valoma 8:34

Nyani álota kuvaukumu? Klistu Yesu ni ápadile, leka apo ni ádyukile, ni áikele kunkanakono wake Nnungu namomo nae ni átujugwangila.

Maono 7:2

Namomo ndímwona njelo junji akwela kwalyalakela liduva ànyukete shinu shakuntaila namakong'o wa Nnungu mumi. Nae andítangola pashanya po avaulila vanjelo nsheshe avalá vavapéle shimadengo shakwananganga shilambo, imanga

Maono 6:9

Napane Ngandolo panamatwile ishelu yamwanu, mwina mwake alutali ndyóna ungumi wavanu vabyaígwe kwamwaa walilove lya Nnungu na kwamwaa wakumya ushuda.

Maono 10:1

Napanelo ndímwona njelo junji wadimongo ashuluka kuwa. Njelo ajo lindímwinikidyanga lyundi, pamuti pake kupagwa yuvi. Ing'ope yake kushenga kenga liduva kutwala madodo ake kuva kenga mabodo amoto.

Maono 8:5

Napanelo aijá njelo andítwala shombo shalubani ashilá kuumbadya makala amoto apalutali kutwa kujela mushilambo shapai. Bai kundyúmilila ding'uva, shilindimu, kumeta na shindangenda.

Maono 14:18

Namomo kulutali ko andyúma njelo junji áshaangaikangila moto wa apo kutwala kutangola lidi likumene amwaulila aijá wamundu wakukola kushidoni, “Twala mundu wako wakukola wo ukalumulange mapamala auva amushilambo, ukushanie mwaa vyepo vyake vindyula.”