Maono 8:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Akuno ngulola, níndigwa lidi lyashipungu áshuuluka kuniania apita atangola pashanya po aashidoni, “Vapambale, vapambale, vapambale vanu vanáma mushilambo shapai kwamwaa wamadi amapalapanda abakidíle avalota kwomba avalá vanjelo vatatu.”

Maono 8:13 Referans Kwoze

Maono 11:14

Apambale wambili andipita. Kanji mwe! Apambale wantatu ankwida shipajelo.

Maono 9:12

Apambale ntandi andipita. Kanji mwe! Ling'oto lya ajo, vankwida vapambale vanji vavili.

Maono 14:6

Napanelo ndímwona njelo junji auluka kuniania àvenavo ntenga wambone úkamalilika pakulota avavalangangile avalá vanáma mushilambo shapai; kula shilambo, likola, inangodi na venentete

Maono 19:17

Napanelo ndímwona njelo jumo àimidile paliduva atangola pashanya po avaulila vyuni vyulukánga kuniania doni, “Idananga muumbalanile pashikukulu shikumene shake Nnungu

Maono 9:1

Njelo wamwanu andyómba lipalapanda kutwala nangu kwona inondo ikanywéke kuwa ìgwilidile pai. Inondo jo vandímupa mungulilo wannango wa ku Litavaleva.

Vabalaniya 1:14

Da vanjelo uti havanava shinu dimumu ditumíka na ditumígwa pakulota divatumike avalá valóta kupata maleko akwambolegwa?

Maono 14:3

vaimba lwimu lwaambi po pashiteng'u po pamevo paviumbi nsheshe na pa avalá vanang'olo. Lwimu alwo hapali hashulula kulipundisha ila avalá imiya imo alubaini na nsheshe alupu vashumigwídye mushilambo.

Maono 3:10

Pakuva wako undishunga malailililo amukunanopa kwamwaa wangu nangu, nanangu momo ndakushunga wakati wamalingo alóta kwida mushilambo uti pakulota kuvalinga vanu vanáma vamushilambo shapai.

Maono 8:2

Napane ndívona vanjelo saba vàimilenge mushu mwake Nnungu na vavapa mapalapanda saba.

Maono 12:12

Napavedoni, kuwa ko puwanga pamo na mwenu múnama ako! Shipambale shilambo na imanga, Ndamoni aninshulukila mwenu na andishimwa poe namene; nae andimanya kenga wakati wake wo, ubakidile padyoko.”