Maono 7:2 - Ibibiliya mu Shimakonde Imbodi Yaambi na dimbande dya Imbodi Yakala

² Namomo ndímwona njelo junji akwela kwalyalakela liduva ànyukete shinu shakuntaila namakong'o wa Nnungu mumi. Nae andítangola pashanya po avaulila vanjelo nsheshe avalá vavapéle shimadengo shakwananganga shilambo, imanga

Maono 7:2 Referans Kwoze

Vaepeshu 4:30

Hamunantae shipalodi Imumu Wanashwe wa Nnungu, jo wavannamatididye mwenu mpaka muliduva lyakwambola.

II Vakolintu 1:22

ni jojo átutaile namakong'o na kutuvika Imumu wake mmitima vyetu kenga shinu shakwimididya.

Maono 9:4

Lolo lo, andílamuliligwa pakulota havaananangange udani wamushilambo, mamba na ata milandi ila vanu vákavikigwe namakong'o wake Nnungu pavyenye.

II Timoti 2:19

Napane shitunduvangilo shakunanopa sha Nnungu shinkuka mushu shipagwa shivanavo namakong'o aju, “Umu ankuvamanya avalá vake,” na, “Woewoe átambulanga lina limwe Umu aapukanangenavo ungave-shaliya uti.”

Vaepeshu 1:13

Nkati mwake namwenu momo pamwigwite ntenga waumwiu, ntenga wambone wo umwambwéle; mwenu múnkulupidile nae, mundinamatiligwa kwa Imumu Wanashwe wakulivikila,

Maono 5:2

Namomo ndímwona njelo wadimongo alaililila na lidi likumene aashidoni, “Nyani ávaikidile kudingula shidingo na kunamatulanga dishelu?”

Nshuwau 6:27

Hamunakole madengo kwamwaa washakulya shúnda kanji kola kwamwaa washakulya shipágwa mukwing'a shingumi shíkamalilika. Shakulya asho Mwana Wamunu andamupa mwaa jojo jo, Nnungu Atata anintaa namakong'o.”

Maono 1:3

Andyalaligwa aijá áshomya na vandyalaligwa avalá vaigwilíla malove amaono ala na kuvikila kuntima vinu uti vyandikíke; mwaa wakati undivandika.

Maono 10:4

Akaume madi ading'uva saba adyo, nangu ngubakidile padyoko na kwandika kanji ndígwa lidi lyakwalakela kuwa liishidoni, “Vinu vitangaléke na ding'uva saba dyo, piya; haunandike!”

Maono 10:1

Napanelo ndímwona njelo junji wadimongo ashuluka kuwa. Njelo ajo lindímwinikidyanga lyundi, pamuti pake kupagwa yuvi. Ing'ope yake kushenga kenga liduva kutwala madodo ake kuva kenga mabodo amoto.

Maono 8:3

Andíwika njelo junji apalá palutali ànyukete shombo shashaabu shavanatutumididya lubani, kwimila. Jojo jo, vandímupa lubani lwoe lwakulota kwanganianga na kushwali kwavakwilimyanga uti akaumye palutali lwashaabu luvéle mushu shiteng'u.

Vabalaniya 12:22

Kanji napane mwenu mundiwika palishinga lya Shiyau, ku Yelusalemu yakuwa njini wake Nnungu mumi, kwavanjelo makumi manga pankodyanio walipuwilo,

I Vateshalonika 1:9

mwaa vo vene vankuvalanganga mwashi mwamutupwashaladile na mwashi mwamunshinjiulidile Nnungu muleka kulipudya kwavannungu vakushang'apa pakulota muntumike Nnungu mumi na wiu

Mateu 26:63

Yesu kumalala. Nkúlangalalela nkumene jo do, “Palina lya Nnungu mumi, twaulila ikava kenga wako ni Klistu aijá mwanagwe Nnungu!”

Mateu 16:16

Simoni Patulu patwete kujang'ula akaashidoni, “Wako Klistu mwanagwe Nnungu mumi.”

Maono 9:14

Lidi alyo lishimwamba njelo wasita avénavo lipalapanda, lidi lyo lishishidoni, “Vaungule vanjelo nsheshe vaungwídye pepi na palundi lukumene lwa Eupalati.”

Maono 16:12

Napane njelo wasita andímiminila ndamu mulundi lukumene lwa Eupalati kutwala medi alundi alwo, kupwalela kwambangidya vapanganiange indila ya avalá vaumu vakwalakela kwalyaloka liduva.