Maono 7:12 - Ibibiliya mu Shimakonde Imbodi Yaambi na dimbande dya Imbodi Yakala

¹² vaashidoni, “Ame. Litumbyangilidyo na lishangelo, limanyilo na lilambwalalelo, ishima, dimongo na lyululilo vive kumwe Nnungu wetu ngwengwe ngwengwe. Ame.”

Maono 7:12 Referans Kwoze

Yudashi 1:25

kwake Nnungu ávele jumo, Mwamboli wetu, lipagwe lishangelo, ukumene, lyululilo na madalaka kwaindila imwe Yesu Klistu Umu wetu, kutunduvangila wakati uti, ambi apa na mpaka vyaka uti! Ame.

Maono 19:4

Napanelo avalá vanang'olo ishilini na nsheshe pamo na avilá viumbi nsheshe, vandíguguvala mpaka vyenye kundondya pai valipudya kwa Nnungu áikele pashiteng'u vaashidoni, “Ame, Aleluya!”

Vakoloshu 3:17

Uti vyamulota kutenda, ata ikava kwalilove kwali kwavitendo, tenda palina limwe Umu Yesu munnambwalela Nnungu Atata kwaindila yake.

Vakoloshu 2:7

muvanavo dinyija na mùdangegwe nkati mwake, munanawangika mulikulupililo kenga mo mwavampundishididye na mùumbaligwidye kulambwalela.

II Vakolintu 4:15

Mwaa uti avi ni kwapaida yenu mmene kwambangidya umonyo uvawikíla kula wakati vanu voe utadye lilambwalalelo lyanjadyeke kwalishangelo lyake Nnungu.

Mateu 6:13

Haunatuukenavo kukutubigwa kanji tuposha kumakono kumwe nkalau.’

Maono 1:18

Nangu Ninene Ngúnama; ndípela kanji napane lola, ninkunama ngwengwe ngwengwe! Nangu ni Nimwene myungulilo vyungulíla Kupela na Kumoka.

Valoma 11:36

Mwaa kutunduvangila kwake nae, kwaindila yake nae na kwaupande wake nae vinkupagwa vinu uti. Lipagwe lishangelo kwake nae ngwengwe. Ame.

I Vakolintu 14:16

Ikanavadavo, wako untumbyanga Nnungu kwaimumu, napane ilota kuva dashi kumwe aijá ávele muungapundishigwa kwitikila, “Ame” ajang'ula kulambwalela kwako na nae akamanyite ashilá shautangola?