Maono 6:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Mwaa lindiwika liduva likumene lyashitundi shave, nyani álota kuulula kunanopa?”

Maono 6:17 Referans Kwoze

Maono 16:14

Adyo ni dimumu dyamajini ditenda vimanyikilo. Vovo vo vankuvaukila vaumu vammilambo uti kutwala kuvakumbulila pamo kwambangidya vatende ing'ondo muliduva likumene limwe Nnungu Wadimongo-uti.

Valoma 2:5

Kanji kwoda mwaa waimbeve yako na kunanopa kwantima wako, bai unkulikungailila shitundi gwegwe umwene muliduva alilá lyashitundi pailota kulilodya ukumu yaishaliya yake Nnungu.

Maono 11:18

Venentete vandishimwa kanji shitundi shako shindiwika. Undiwika wakati wakuvaukumu vapadíle na wakuvatudya vakulava vatumika vako na vakwilimyanga, uti avalá vajópa lina lyako, vadyoko na vanang'olo. Ni wakati wakuvabamola uti avalá vabamóla shilambo.”

Yudashi 1:6

Namomo vanjelo vakanyalidíle sheo shave vo vene bai vandíleka mautu ave, nadoni Nnungu andivakondya kushii vàvaungile mang'unyang'unya ákamalilika pakulota vaukumigwe muliduva alilá likumene.

Lukashi 21:36

Ngwengwe muve mevo mujugwa mupate dimongo kwambangidya vilóta kutandeka vyo vinkowe na mwimile bila kujagajega pamevo pake Mwana Wamunu.”