Maono 6:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Napanelo ndílola kumwona Ngandolo pashinamatula ishelu yasita kutwala kuumilila shindangenda. Liduva lindídimba kenga inguvo yakaniki na mwedi uti kukunduvala kenga myadi;

Maono 6:12 Referans Kwoze

Mateu 24:29

Po palota kumalilikinneu mauvilo amaduva alo, ‘Liduva lindadimba, mwedi hauvala, dinondo kuwa ko dindagwanga na vyadimongo vyakuniania vindating'inigwa.’

Maono 16:18

Bai kundyúmilila kumeta, shilindimu, ding'uva na shindangenda shikumene; shindangenda shakujowa shíkanava kuumilila tangu kukandyangigwa munu mushilambo shapai.

Maono 11:13

Muwakati wowo shindyúmilila shindangenda shakujowa kutwala imbande imo yakumi yanjini kubamoka. Shindangenda shosho sho, vandípela vanu dyalupu saba, vabakidíle vo, kundívaida kujopa na vandímupa lishangelo Nnungu wakuwa.

Maono 8:5

Napanelo aijá njelo andítwala shombo shalubani ashilá kuumbadya makala amoto apalutali kutwa kujela mushilambo shapai. Bai kundyúmilila ding'uva, shilindimu, kumeta na shindangenda.

Mateu 24:7

Venentete vandatandana ing'ondo na venentetemwave, utawala undatandana ing'ondo na utawalamwagwe. Indaumilila indala na shindangenda mumautu akuvilingananga.

Malukushi 15:33

Napanelo kutunduvangila sasita yamui mpaka satisa yalyulo, shilambo uti shindíinjila shii.

Mateu 28:2

Mwe! Kwashingangala kuumilila shindangenda shakujowa, kuwa ko kwaloka njelo wake Umu kwida ndagang'ola lijanga kutwala kwikalila.

Mateu 27:54

Napane nang'olo wavaing'ondo pamo na avalá vavénavo váshinshunga Yesu, pavagwene shilambo shindangenda na vinu vinji víshitandeka, vanavo kujopa kutwala kushidoni, “Munu aju mwiu avele mwanagwe Nnungu.”

Mateu 27:45

Napanelo kutunduvangila wakati wasasita mpaka satisa shilambo uti shindida shii.

Mateu 11:21

“Upambale wako Kolashimu! Upambale wako Beteshaida! Makango atandéke kwenu leka àtandeke ku Tilu namu ku Shidoni, vanavo doni vàlijugulenge tangu kala. Doni vàlitaenge maguni na vàpakalenge liu.

Maono 8:12

Njelo wansheshe andyómba lipalapanda kutwala kuligwa imbandi yantatu yaliduva, yamwedi, yadinondo na mpaka imbandi yantatu yavinu avyo indídimba. Imbandi yantatu yamui na yashilo momo, indídimba do pii!

Maono 16:8

Njelo wansheshe andimiminila ndamu wake paliduva kutwala liduva lyo kupata lyululilo lyakupiya namene.