Maono 4:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Vikapite vinu avi, ndilola kutwala kwona kuwa nnango ùshimwike. Namomo alilá lidi lyangwigwíte kunantandi litangola namu nangu kenga lipalapanda, lyolyo kutwala kushidoni, “Kwela wide apa, nangu ndakulodya vinu vilóta vitandeke ling'oto lya avi.”

Maono 4:1 Referans Kwoze

Maono 11:12

Bai vashuda avalá vandígwa lidi lyadimongo lyakwalakela kuwa liishidoni, “Kwela mwide kuno.” Vanavo vandikwela kuka kuwa mulyundi akuno vammongo vave valola ndoo.

Maono 1:19

“Napanelo andika vinu vyaugwene, vipagwíte na vilóta kutandeka ling'oto lya avi.

Maono 1:10

Napane muliduva limwe Umu ndítwaligwa mu Imumu kutwala kunyuma kwangu kwigwa lidi likumene kenga lipalapanda

Malukushi 1:10

Bai Yesu paumile mmedi amulá kwona kuwa kujavanwike na anshulukila Imumu wakuva kenga ng'unda

Maono 22:6

Ling'oto njelo aníngwaulila doni, “Malove ala akukulupilika na maiu. Umu, Nnungu wadimumu dyavakulava, anintumidya njelo wake kwambangidya avalodye vatumika vake vinu vilóta kutandeka muwakati wakuvandika.”

Maono 16:17

Njelo wasaba andímimina ndamu kuniania kutwala kwigwinika lidi likumene líshaalakela pashiteng'u mwing'ande ya Nnungu liishidoni, “Tayali indiwikila popo!”

Vitendo 7:56

Nae kutwala kushidoni, “Mwe! Ninkwona kuwa kushimwike na kumwona Mwana Wamunu àimidile kunkanakono kwake Nnungu.”

Nshuwau 16:13

Napane palota kwida aijá Imumu Waumwiu anannangalalela mwenu uti muumwiu mwaa nae halivalanganga shinu jo mwene, ila andavalanganga vyalota kwigwa na anammalangangila vilóta kwida.

Lukashi 3:21

Napanelo vanu uti pavashuka ndapata ubatisho, nanae Yesu andyúka ndapata. Pashishwali kuwa kundíshimuka;

Vitendo 10:11

kutwala nae kwona kuwa na kwona shinu mwalikuba likumene lyakukandapala kenga lyavakamulanidile mumapepe uti nsheshe lishulukila pai;

Mateu 3:16

Nadoni po papatile ubatisho, Yesu andyúma mmedi mo kutwala muwakati wowo, mwe! Pamevo pake kuwa kushimuka, nae kumwona Imumu wake Nnungu wakuva mwang'unda ashuluka kwida ndamwikala.

Maono 1:12

Napanelo ndíshiliuka kunnola nyani áshitangola namu nangu; pangushiliwike, ndyóna ditaa saba dyashaabu

Maono 11:19

Napanelo ing'ande yake Nnungu kuwa ko indíshimuka, nng'ande mo kutwala kwaneka lishanduku lyaimbodi yake Nnungu. Nadoni kundyúmilila kumeta, shilindimu, ding'uva, shindangenda na kutonya imbula ing'umene yadinyanga.

Maono 19:11

Bai nindyóna kuwa kushimwike, mwe! Napane ndímwona punda wanashwe, aijá ánkwadile punda vashinshema Wakukulupilika na Waumwiu. Nae ankuukumu na kutenda ing'ondo kwaishaliya.