Maono 22:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Nangu ni Alupa na Omega, Nantandi na Wamwisho, Nkútunduvanga na Nkúmalilila.”

Maono 22:13 Referans Kwoze

Maono 21:6

Aníngwaulila kavili doni, “Vindiwikila popo. Nangu ni Alupa na Omega, Nantandi na Wamwisho. Ávenavo inyota ndamupa akumbile monyo papandukenge medi ashingumi.

Maono 1:8

“Nangu ni Alupa na Omega,” atangola Umu Nnungu, “jojo ápagwite, e apagwíte na álota kwida, ni Wadimongo-uti.”

Maono 1:17

Paningwene, ndígwa mmadodo mwake kenga ndipela. Bai nae anínguvika nkono wake wakunkanakono kutwala kushidoni, “Haunajope! Nangu ni Nantandi na Wamwisho.

Maono 1:11

liishidoni, “Vyawona avi andika mushidingo shalyamba utwa utumidye mmaganisha saba avéle ku Ashiya: Epeshu, Eshimilina, Peligamu, Tiyatila, Shalideshi, Piladelipiya namu Laudisheya.”

Maono 2:8

“Njelo waliganisha lya ku Eshimilina mwandikile, ‘Ala ni malove amwe aijá Nantandi na Wamwisho, e apadíle kutwala kunama:

Maono 3:14

“Njelo waliganisha lya ku Laudisheya mwandikile, ‘Avi atangola Ame, nshuda wakukulupilika na waumwiu, ntipu wa avilá vyakandyenge Nnungu:

Nshuwau 13:32

Ikava kenga Nnungu nkati mwake ankupata lishangelo, nanae Nnungu momo andamupa lishangelo Mwana nkati mwake na lyo lishangelo lyo, anampenneu.