Maono 22:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Átenda vyakunyata auke mushu atenda vyakunyata; átenda vyaushapu auke mushu atenda vyaushapu; átenda vyaishaliya auke mushu atenda vyaishaliya; wakwilimyanga auke mushu ailimyanga.”

Maono 22:11 Referans Kwoze

II Timoti 3:13

Napane vanu vakalau na vakushang'apa vandauka mushu vamamodya kuvaashadyanga vanu na vo vene vaashalangigwa.

Mateu 15:14

Valeke, vanavo ni vananagalaledi vakuputala mevo vavalangalaléla vakuputalamwave. Munu wakuputala akannangalalela wakuputalamwagwe, vanu avo uti vandagwilangila mulipondo.”

Mateu 5:6

Vandyalaligwa avalá vavénavo indala na inyota yaishaliya, mwaa vanavo vandaikuta.

Yudashi 1:24

Mwenu, kwa aijá Wadimongo pakulota kunshililidya mwenu hamunalikuvale na kwambangidya akamwimidye múkave makosha pamevo palishangelo lyake kwalipuwilo likumene,

Mateu 25:10

Vanavo pavaukile kukushuma mauta, kunyuma akuno nkúlomba kuwika. Bai avalá ve valipanganiénge vandíinjila namu nkúlomba pashitamo kutwala ing'ande yo kugalola.

Vaepeshu 5:27

kwambangidya alikamudye jo mwene liganisha lyalishangelo, líkave lilemba na ata unyadi kwali vinu vyoevyoe kenga avyo kanji lyakwilimyanga na líkave makosha.

Mateu 21:19

Bai akone nnandi uvéle mwankuju nanyenje indila nae kuukila mene kukodya shinu ila mamba gweka nae kushidoni, “Unnandi wako, mwiko haunape kavili.” Nnandi muwakati wowo wo, kujuminneu.

Nshuwau 8:21

Napanelo Yesu andítangola mumwanda wambili aashidoni, “Nangu ninkulyumadyanga, mwenu munangulambela kanji mundapalanga mumadambi enu. Kwanguka nangu apa mwenu po hamuulula kwida.”

Maono 16:21

Kuwa ko, indívatanyela vanu imbula yadinyanga ding'umene, kula inyanga ishindaidopa dikilo kenga salasini na tano doni, vanavo vanínkupulu Nnungu kwamwaa waimbula ayo mwaa mauvilo lo, andímamodya.

Maono 22:3

Dilana munjini awo, hadipagwa. Shiteng'u sha Nnungu pamo na sha Ngandolo shindapagwa munjini na vatumika vake vanantumika,

Vakoloshu 1:22

ambi apa nae andimuunganianga kavili mumili wake washimunumunu kwaindila yakupela kwake kwambangidya nae akannodye mwenu mùvele mmakwilimyanga, múkave makosha na kwabila kupagwa shakunkanidyanga pamevo pake Nnungu

Mateu 5:45

pakulota muve mmana mmatatagwenu ávele kuwa. Mwaa nae vanu vakalau na vambone, liduva lyake ankuvavalila na vo vanu vaishaliya na vaungave-ishaliya vo, imbula ankuvatanyela.