Maono 21:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Nae andavapukutanga myodi uti kumevo kwave; kupela, shipalodi, shililo, kupwateka hakupagwa kavili mwaa vinu vyakala uti, vindipita.”

Maono 21:4 Referans Kwoze

Maono 7:17

Mwaa Ngandolo ávele shing'ati shiteng'u andavashunga na andavaukanavo papandukenge medi ashingumi na Nnungu andavapukutanga myodi uti kumevo kwave.”

I Vakolintu 15:26

Mmongo wamwisho kubamolegwa alota kuva kupela.

I Nshuwau 2:17

Shilambo ashi pamo na malotelo ake ankumalilika kanji aijá átandedya malotelo ake Nnungu andapagwa ngwengwe.

Mateu 24:35

Kuwa na pai kundapita ila malove angu mwiko hapita.

Maono 21:1

Napanelo níndyona kuwa kwaambi na shilambo shapai shaambi. Mwaa kuwa kwakala, shilambo shapai shakala vindípita na imanga haipagwíte kavili.

Maono 20:14

Bai Kupela na Kumoka vandíjalegwa mulitanda lyamoto. Litanda lyamoto lyo, aku ni kupela kwambili.

Maono 22:3

Dilana munjini awo, hadipagwa. Shiteng'u sha Nnungu pamo na sha Ngandolo shindapagwa munjini na vatumika vake vanantumika,

II Patulu 3:10

Kanji napane liduva limwe Umu lindaida mwiu kenga nkwíva. Kuwa kundalambaleka kwashilindimu shikumene, mili vyakuwa vindatikinyuka kwamoto, shilambo pamo na vinu uti vivéle amo, vindamalilika.

I Vakolintu 7:31

avalá vashulúsha mushilambo, kenga vákaungana uti na shilambo mwaa mwatwanela shilambo wakati au, mwakupita.

II Vakolintu 6:17

Napavedoni, “Lyumadyange pakati pave, vaambukange, atangola Umu, hamunakamule shinu shishapu na nangu nampwashalela.

II Vakolintu 5:17

Napavedoni, ikava kenga munu ankupagwa nkati mumwe Klistu, ajo ni shiumbi shaambi. Vyakala vindipita. Mwenu, viidilé vyaambi.

Vabalaniya 12:27

Malove ala “Mwanda unji kavili” inkulilodya kenga vinu vindandangandegwa yani, vyumbígwe uti vindatimbikanga kwambangidya dashi, avilá víkandangandegwa vipagwe.

Maono 20:13

Imanga indívajaula vakupela vapagwíte amo, Kupela na Kumoka kuvajaula vakupela vapagwíte kwanavo, uti avo vandyúkumigwa kula munu kulingana na vitendo vyake.