Maono 21:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Wowo wo, undívanavo lishiti lyalingongo likumene na lyakulepa livénavo milango kumi na mbili; kula nnango andípagwa njelo jumo. Kula nnango vandyándika lina pakati pamena amakola kumi na mbili avanaishilaeli.

Maono 21:12 Referans Kwoze

Maono 21:25

Milango vyake, mui mwiko havashima mwaa shilo, hashipali.

Vitendo 26:7

kulivikila aku makola kumi na mbili avakwetu vankuvanavo lilindilililo lyakupata pavalipudya shilo na mui bila kudabadabanga. Umu wako, ni kwamwaa walilindilililo ali lyavangukashalidya!

Vabalaniya 1:14

Da vanjelo uti havanava shinu dimumu ditumíka na ditumígwa pakulota divatumike avalá valóta kupata maleko akwambolegwa?

Lukashi 16:22

Napanelo mmashikini aju kupela, vanjelo vake Nnungu kuntwala kumuukanavo kumwe Abulaamu; nanae ntajili kupela kutwala kunshika.

Lukashi 15:10

Kulandana na shitendo asho ninkumwaulila doni, kwavanjelo vake Nnungu lindapagwa lipuwilo lyoe namene mwaa wankútega jumo álijugulanga madambi ake.”

Mateu 18:10

“Lilaledye kwambangidya hamunamwiludyange ata ndyoko jumo pakati pavadyoko ava! Nangu ninkumwaulila doni, vanjelo vave kuwa ko, ngwengwe vankwonana namu Atata ávele kuwa.

Maono 21:13

Kwalyalakela liduva vindípagwa milango mitatu, kushanya shilambo kupagwa milango mitatu, kwina shilambo kupagwa milango mitatu na kwalyenda liduva kupagwa milango mitatu.

Maono 21:15

Njelo áshitangola namu nangu aijá, andívanavo nnandi washipimo wavakandyenge na shaabu pakulota apime njini, milango vyake pamo na lishiti.

Maono 22:14

Vandyalaligwa avalá vashápa dikanju dyave; nadoni vanavo vandavanavo aki yannandi washingumi na yakwinjilila njini vapitila mumilango vyake.