Maono 21:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napanelo níndyona kuwa kwaambi na shilambo shapai shaambi. Mwaa kuwa kwakala, shilambo shapai shakala vindípita na imanga haipagwíte kavili.

Maono 21:1 Referans Kwoze

II Patulu 3:13

Kanji wetu kwakwodananavo kulivikila kwake, tunkulindila kuwa kwaambi na shilambo shaambi kwailota kupagwa ishaliya.

Maono 21:5

Napanelo aijá e aikéle pashiteng'u kutwala kushidoni, “Vinu uti ninkutenda kuva vyaambi.” Kavili kushidoni, “Andika mwaa malove ala ni akukulupilika na aumwiu.”

II Patulu 3:10

Kanji napane liduva limwe Umu lindaida mwiu kenga nkwíva. Kuwa kundalambaleka kwashilindimu shikumene, mili vyakuwa vindatikinyuka kwamoto, shilambo pamo na vinu uti vivéle amo, vindamalilika.

Maono 20:11

Napanelo níndyona shiteng'u shikumene shanashwe mwene shiteng'u jo àikalidile; pai na kuwa vínditila pamevo pake na halipagwíte lyutu lyavinu avyo.

Maono 13:1

Napanelo ndímwona lidimu auma mwimanga ávenavo dimembe kumi, myuti saba na mudimembe mo kupagwa madaka kumi, mumyuti avyo vandyándika mena akukupulu.

Valoma 8:21

kenga ata sho shene shuumbígwe sho, shindaombolegwa muutumwa wakupagwa mukunda shiinjila muunaiti walishangelo lyavanavake Nnungu.

Maono 6:14

kuwa kundíjavanikananga kutwala kulipindanga kenga mwalinalipindangila likande likalumukananga pakati, kula lishinga pamo na vitingi vandínyemya mumautu ave.