Maono 2:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ “ ‘Nangu ndimanya mauvilo ako na ungave-pashinu wako kanji wako po, untajili. Namomo mwavamwabalangila mwenu avalá valivíka kuva vayuda vakavele, kumbe ni shitala shakulipudidya shimwe Shatwani.

Maono 2:9 Referans Kwoze

Maono 3:9

Laledya shangulota kuvatenda avalá vamushitala shakulipudidya shimwe Shatwani, vo valivíka kuva vayuda kumbe vakavele vayuda vàvele vakushang'apa. Mwiu ndavatadya valipudye mmadodo mwako na vamanye do, nangu ndikunagwaledya.

II Vakolintu 8:9

Mwaa mwenu mundimanya umonyo umwe Umu wetu Yesu Klistu doni, àvele avi ntajili kwakunnagwaledya mwenu nae andilitenda kuva ákave pashinu kwambangidya kwaindila yaungave-pashinu wake, antadye mwenu muke mukave mmatajili.

Valoma 9:6

Kanji napanelo i do lilove lyake Nnungu lindikoweka mwaa i uti udukulu umwe Ishilaeli ni vanaishilaeli,

II Vakolintu 6:10

kenga túvenavo shipalodi kumbe ngwengwe tunkupuwanga, kenga tuvamashikini kumbe ni túvatadya voe vatajilike, kenga túkave pashinu kumbe tunkuvanavo uti.

I Timoti 6:18

Vamanyie vatende wambone, vave matajili mushimadengo shambone, vavenavo ntima wakujaula vava tayali mukujavananga.

Lukashi 4:18

“Imumu wake Umu aningushulukila mwaa aningupaka mauta pakulota ndivavalangangile vamashikini ntenga wambone, kungutuma ngwide ngwaule kuvaambola kwavakungwa, vákalola nivape kulola, vakutawaligwa nivape unaiti

Maono 2:2

“ ‘Nangu ndimanya vitendo vyako, kulyuvyauvyanga kwako, kunanopa kwako na haunavapambedya shinu avalá vatandédya vyakunyata; namomo undivatenda nningo valivíka kuva vamyombe kumbe vákavele kutwala kuvaanalela kuva vakushang'apa.

Lukashi 6:20

Napanelo Yesu andíng'amula mevo ake kuvalola vakwoda vake kuvaulila kushidoni, “Mundyalaligwa mwenu mmamashikini, utawala wa Nnungu, wènu.

Valoma 12:12

Mulilindilililo, puwanga. Mumauvilo, lipililile. Mukushwali, nanopa.

Valoma 5:3

I gweka avyo kanji tunkulitamanga momo nkati mumauvilo tumanya kenga mauvilo ankwidanavo kulipililila,

I Timoti 1:13

nene ngwe nguvéle nkúkupulu, nkúpapata na njauli. Kanji ndipata kwanangiligwa shididi mwaa ngùvele mukutikinanga, nangu ngushindatenda muungakulupila wangu.

I Vateshalonika 3:4

Mwaa patupagwíte namu mwenu tushindamwaulila kaladavo kenga wetu tundauvauvanga na mwiu vinditandakela momo kenga mo mwamumanyilile.

II Vakolintu 8:2

Doni, nkati mumauvilo oe, kuumbaligwa kwalipuwilo lyave na ungave-pashinu wakumamodya wave, undipakatika utajili wakujaula kwaupande wave.

Valoma 8:35

Nyani álota kutwapukanianga na linagwaledyo limwe Klistu? Da ilota kuva tabu, kwali mauvilo, kwali kupapatigwa, kwali indala, kwali wou, kwali shijoidyo, kwali lyambila?

Maono 7:14

Nangu kushidoni, “Nang'olo, wako ni úmanyite.” Nae doni, “Ava ni avalá vaalakadíle mmauvilo akujowa, vashapénge dikanju dyave mumyadi vya Ngandolo kutwala kuva dyanashwe.

Lukashi 22:65

Vovo vo vashinantangalela malove anji oe akumwabolanga.

Lukashi 12:21

Shinu ashi shinkulandananga na munu álikungailila mali kanji akavele ntajili pamevo a Nnungu.”

Valoma 2:17

Kushi wako úlishema kuva muyuda, únanapela mulilamulo na úlitamangila nkati mu Nnungu,

Vitendo 26:11

Dimindi dyoe nangu ndipita muvitala vyakulipudidya ndivapa shaushanga ndivakanyilidya pakulota vakupulu na mushitundi shangushivavikila, vaningutadya nguke ndikainjile muvilambo vinji vyavamidi ngupita ndivapapata.

Vitendo 14:22

Mumakaja alo, vanavo vashindapita vavanonowanga vakwoda vavapa ntima pakulota vauke mushu mulikulupililo na vavamanyiya doni, “Indivaikila tupite mumauvilo oe kwambangidya twinjile muutawala wa Nnungu.”

Nshuwau 16:33

Vinu avi nangu nimwaulila pakulota nkati mwangu, mwenu muvenavo amani. Mushilambo mundapata mauvilo kanji lyunge ntima; nangu nditema shilambo.”

Mateu 4:10

Yesu napane kushidoni, “Kuka apa Shatwani! Mwaa indyandikigwa doni, ‘Lipudye kumwe Umu Nnungu wako na untumikile jojo bai.’ ”

Maono 1:9

Nangu Nshuwau ninung'unumunu na ninjenu ngúpagwa pamo namu mwenu mumauvilo, muutawala na mukunanopa nkati mumwe Yesu. Ndípagwa pashitingi shavashema Patimu kwamwaa walilove lya Nnungu na ushuda umwe Yesu.

Maono 2:13

“ ‘Ndimanya doni, paunama po ni pashiteng'u shimwe Shatwani. Ata ive davo mpaka ambi unkunamatila lina lyangu na haukanile likulupililo lyako kwangu, ata muwakati umwe Antipashi nshuda wangu wakukulupilika wavamyaile pakati penu, po panama Shatwani po.

Maono 2:24

“ ‘Kanji mwenu mmanji mma ku Tiyatila múkaodedya mapundisho alo na múkalipundishidye avilá vyavashema vipii vimwe Shatwani, ninkummanyiya doni, hanintika shinu ibasha inji;