Maono 2:3 - Ibibiliya mu Shimakonde Imbodi Yaambi na dimbande dya Imbodi Yakala

³ Wako unkunanopa na unkulipililila mauvilo kwamwaa walina lyangu na haudabadabenge.

Maono 2:3 Referans Kwoze

Vabalaniya 10:36

Shivaikidíle kwenu mwenu ni kulipililila ling'oto lyakutandedya malotelo ake Nnungu mundapata ashilá shalivikidile

Vabalaniya 12:1

Napavedoni, pakuva nawetu momo inditutang'anedya imbumba ing'umene yamashuda ava, indituvaikila tulyulange uti vitudingadínga na lidambi litudingíla pakulota tutukute kwakulipililila kwamwaa wa alalá mashindano avikígwe mushu mwetu

Vagalata 6:9

Hatunadobe kutenda wambone mwaa tukanadabadabangila, pauwika wakati wake po, tundapuna.

Vakoloshu 1:11

munanawangika na dimongo uti kwodananavo dimongo dyalishangelo lyake kwakulipililila na kwaupole uti,

Nshuwau 15:21

Vanavo mwenu vanantenda davo kwamwaa walina lyangu pakuva havammanyite aijá ángutumididye.

I Vakolintu 13:7

Lindáshikulila uti, lindákulupila uti, lindálindililila uti, lindálipililila uti.

Maono 3:10

Pakuva wako undishunga malailililo amukunanopa kwamwaa wangu nangu, nanangu momo ndakushunga wakati wamalingo alóta kwida mushilambo uti pakulota kuvalinga vanu vanáma vamushilambo shapai.

Vabalaniya 6:15

Ivédoni, ling'oto limwe Abulaamu kulindila kwaupole, nae andípata ashilá shaukile ndalivikila Nnungu.

Vabalaniya 6:12

kwambangidya hamunave mmawondo kanji vajedye avalá kwaindila yalikulupililo na kulipililila vandipata maleko akulivikila.

Vabalaniya 6:10

Nnungu hanava shinu waungave-ishaliya wakulota kulivaliva shimadengo shenu na linagwaledyo lyamuladidye kwamwaa walina lyake pakuva mundivatumika vakwilimyanga na munkuka mushu muvatumika.

I Timoti 4:10

Ni ashi shitádya wetu tukole madengo akupwateka na tulikanyalidye pakuva tundivika lilindilililo lyetu kwa Nnungu mumi ávele Mwamboli wavanu uti kupunda namene kwavakukulupila.

II Vateshalonika 3:13

Kwaupande wenu mwenu mmanung'unumunu hamunadobe kutandedya wambone.

II Vakolintu 4:16

Napavedoni havinatudidima mitima. Ata ikava kenga umunu wetu wapanda unkunda kanji umunu wetu wankati unkutandegwa waambi kula liduva.

II Vakolintu 4:1

Napavedoni, pakuva tunkuvanavo utumika au watupatile kwashididi shake, havinatudidima mitima.

Valoma 12:12

Mulilindilililo, puwanga. Mumauvilo, lipililile. Mukushwali, nanopa.

Valoma 8:25

Napane pakuva tunkuvanavo lilindilililo lyashinu shatukona, tunkulindila na mweshe nkati muupole.

Lukashi 14:27

Namomo munu ákanyukata nshalaba wake kutwala kungwoda, hava shinu nkwóda wangu.

Maono 1:9

Nangu Nshuwau ninung'unumunu na ninjenu ngúpagwa pamo namu mwenu mumauvilo, muutawala na mukunanopa nkati mumwe Yesu. Ndípagwa pashitingi shavashema Patimu kwamwaa walilove lya Nnungu na ushuda umwe Yesu.

II Patulu 1:6

mulimanyilo nkati mukulishunga gwegwe umwene, mukulishunga gwegwe umwene nkati mukunanopa, mukunanopa nkati mukunjopa Nnungu,

I Vateshalonika 1:3

tukumbukila pamevo pamwe Nnungu, jo Tatagwetu, madengo enu alikulupililo, kulikanyalidya kwenu kwalinagwaledyo na kunanopa kwenu kwalilindilililo kumwe Umu Yesu Klistu

II Vakolintu 11:23

Da vanavo vo, vatumika vamwe Klistu? Nangu po ndimamodya, ngutangola kenga nimunu wakudulumbuka, mushimadengo shoe, mukungwa myanda vyoe, mukushapigwa viboko myanda vyoe, muvijoidyo vyakulota kupela myanda vyoe.

II Vakolintu 5:9

Nadoni ata ikava kenga tuvelé nng'ande kwali panda, shabaa yetu ni kulota innagwele Umu.

Valoma 2:7

Kwa avalá valóta kunanopa nkati mukutandedya wambone, valambéla lishangelo, ishima na ungapela, andavapa shingumi shíkamalilika

Lukashi 18:1

Napanelo nae andíkong'a nkong'o avamanyiya vakwoda vake vashwalye ngwengwe pavakaujila kunyuma

Lukashi 8:15

Kanji imbeju igwilidíle paulongo wambone inkwitika kuva vanu vánatenda vakaigwa lilove lya Nnungu kuvikila kuntima wiu na kupa vyepo kwaindila yakulipililila.

Vabalaniya 13:13

Napavedoni, leka tumuukile po panda likambi po, tulipililila dyoni dyake dyalipililidile nae.

I Timoti 5:17

Avalá vanang'olo valangalaléla shana, vandivaikila vapate ishima ing'umene kupunda namene avalá vakóla madengo akuvalanganga lilove na kupundisha

II Vateshalonika 3:8

na ata hatulile bule shakulya shamunu woewoe kanji tùpagwite mushimadengo shakupwateka na mumauvilo, tundikola madengo shilo na mui pakulota hatunave ligogo kwamunu woewoe pakati penu.

II Vateshalonika 3:5

Napane Umu alangalele mitima vyenu vinanapele kulinagwaledyo lya Nnungu na kukulipililila kumwe Klistu.

I Vateshalonika 2:9

Takumbukila shana mmanung'unumunu shimadengo shetu shakupwateka na kulikanyalidya kwetu shilo na mui pakulota hatunave ligogo kwamunu woewoe patushimmalangangila ntenga wambone wa Nnungu.

Vapilipo 4:3

Mwiu, namomo ninkukujugwa wako unyangu wakukulupilika nguushidoni, vapwashele vamama ava. Vanavo vandilyuvyauvyanga namu nangu muntenga wambone pamo namu Kalamende na vamadengomwangu vabakadíle vo. Mena ave ankupagwa mulibuku lyashingumi.

Vapilipo 2:16

mùkamulidile lilove lyashingumi kwambangidya muliduva limwe Klistu nangu ngulitamange kenga hangutukwite monyo na ata hangukadile shimadengo shamonyo.

Vagalata 6:2

Nyakulanila dibasha dyenu; mukatenda davo, mundatandedya lilamulo lyake Klistu.

II Vakolintu 10:15

Hatunalyumya shinu shumbi kupunda shipimo kwashimadengo shavanu vanji. Tunkulindila napane palikulumuka likulupililo lyenu, shimadengo shetu pakati penu shikulumwike namene kwodananavo shipimo shetu

II Vakolintu 6:5

mukushapigwa viboko, mukungwa, muvijungulima, mushimadengo shakupwateka, muushilo bila lwono, mwindala,

Valoma 16:12

Mupe nandele Tilipena namu Tiliposha vakongwe vankaléla Umu madengo. Mupe nandele wakunagwaleka Pelishide ákadile namene madengo nkati mumwe Klistu.

Lukashi 21:19

Ni mwaa wakulipililila kwenu kwamulota kupata ungumi wenu.

Malukushi 15:21

Napanelo munu jumo wa ku Shilene walina Simoni tatake Alishandale namu Lupu ashipita apo aaloka kwaludeya, vanavo vanínnamulila anyukate nshalaba.

I Vateshalonika 5:12

Napanelo mmanung'unumunu ninkunjugwa muvaishimu avalá vakóla madengo pakati penu, vo vannangalaléla nkati mumwe Umu na vandúma.

I Vakolintu 16:16

Doni, livike mwina mwavanu kenga ava na kula mmádengomwave ákola shimadengo shakupwateka.

Lukashi 5:5

Simoni kushidoni, “Mwalimu, wetu tundikukula shashilo shoe ashi, hatupatile shinu. Kanji kwodamwaa utangwelé wako, nangu ndajela lungau mmedi.”