Maono 2:12 - Ibibiliya mu Shimakonde Imbodi Yaambi na dimbande dya Imbodi Yakala

¹² “Njelo waliganisha lya ku Peligamu mwandikile, ‘Ala ni malove amwe aijá ávenavo lyambila lyakukola kuvili:

Maono 2:12 Referans Kwoze

Maono 2:16

Napavedoni lijugulange! Ukanalijugulanga ndakwidila shipajelo ndavatenda ing'ondo vanu avo na alilá lyambila lyuma nkanywa mwangu.

Maono 1:16

munkanakono wake kunyukata dinondo saba, nkanywa mwake kuma lyambila lyakukola kuvili na ing'ope yake kuva yakushenga kenga liduva palivala na dimongo.

Vabalaniya 4:12

Mwaa lilove lyake Nnungu lingumi na linkuvanavo dimongo, namomo lyakukola kupunda lyambila likóla kuvili, lyanavo linkupulunganianga pakati-pakati ungumi na imumu, mumagwangwa na muwoba, namomo linkujavanianga makumbukililo na milugu vyamuntima.

Maono 19:21

Vanji uti vandíbyaigwa na lyambila limwe aijá ánkwadile punda, lyambila lyolyo lyumíle nkanywa mwake. Bai malembo uti vindívakamila vitumbo kwamwaa wadinyama dyave.

Maono 19:15

Nkanywa mwake mundyúma lyambila lyakukola pakulota avabyaile venentete, jojo jo andavalangalalela na ipimbo yashitali na andakandangila vinyu mulitangi lyakushimwa kwake Nnungu Wadimongo-uti.

Maono 1:11

liishidoni, “Vyawona avi andika mushidingo shalyamba utwa utumidye mmaganisha saba avéle ku Ashiya: Epeshu, Eshimilina, Peligamu, Tiyatila, Shalideshi, Piladelipiya namu Laudisheya.”

Maono 2:1

“Njelo waliganisha lya ku Epeshu mwandikile, ‘Ala ni malove amwe aijá ányukete dinondo saba munkanakono wake na jojo jo, ankuwena shing'ati ditaa saba dyashaabu,