Maono 2:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Vyaulota kuvauvanga vyo, haunajope. Igwa, pakati penu Ndamoni andavajela vanji nkalaboshi pakulota mulingigwe na mundauvauvanga maduva kumi. Kulupilika mpaka kupela nangu ndakupa lidaka lyashingumi.

Maono 2:10 Referans Kwoze

Tiyagu 1:12

Andyalaligwa munu álipililila nkati mmalingo mwaa ling'oto lyakukubaligwa, andapata lidaka lyashingumi lyalivikidile Nnungu kwa avalá vannagwalédya.

Mateu 10:22

Vanu uti vanammangedya kwamwaa wangu nangu napane aijá álota kulipililila mpaka kumwisho andaambwalegwa.

I Patulu 5:4

Doni, palota kulilodya Nkúshunga nang'olo, mwenu mundapata lidaka lyalishangelo líkadingala.

Malukushi 13:13

Mwenu mundavangadika na vanu uti kwamwaa wangu nangu kanji aijá álota kulipililila mpaka kumwisho, ajo andaambolegwa.

Vaepeshu 6:12

mwaa ing'ondo yetu hainava shinu yakupingana na munu kanji ni kupinga dimongo dyautawala, kupinga dimongo dyamadalaka na kupinga dimongo dyamushilambo uti mushii ashi shawakati au, kupinga dimongo dyadimumu dyaukalau mumautu akuwa.

Maono 2:9

“ ‘Nangu ndimanya mauvilo ako na ungave-pashinu wako kanji wako po, untajili. Namomo mwavamwabalangila mwenu avalá valivíka kuva vayuda vakavele, kumbe ni shitala shakulipudidya shimwe Shatwani.

Mateu 24:13

napane aijá álota kulipililila mpaka kumwisho, ajo andaambwalegwa.

I Patulu 5:8

Ava mevo na lilaledye: mmongo wenu mwenu Ndamoni ankudingukanga kenga ntumi akalamanga annambela wakwashi wakulota kummamane-uti.

I Vakolintu 9:25

Uti avalá vánaliinjidyanga mumashindano, vanavo vandálilaledya muvinu uti. Kwavanavo, vankutenda davo vapate lidaka litimbikánga napane wetu tutenda pakulota tupate líkatimbikanga.

Mateu 10:28

Hamunavajope avalá vabyáa mili vákaulula kubyaa ungumi ila njope jo áulula kubamola uti mili ungumi kushena.

Maono 13:7

Vandímupa lyululilo lyakuvatandela ing'ondo vakwilimyanga na kuvatema. Namomo vandímupa madalaka akutawalila kula likola, venentete, inangodi na shilambo.

Vaepeshu 2:2

Muvinu avyo, mwenu mushindanama kwodana na inamuna yashilambo ashi na kwodana na nkútawala wamadalaka akuniania, imumu ikóla ambi apa madengo muvakaigwilila.

Nshuwau 13:2

Napane valya shakulya shalyulo, Ndamoni àvikile muntima umwe Yudashi mwanagwe Simoni Shikaliyote shabaa yakunnimya

Nshuwau 12:25

Aijá ánagwaledya shingumi shake andakatoka na aijá ányatila shingumi shake mushilambo ashi, andakondya mushingumi shíkamalilika.

Lukashi 21:12

“Kanji vinu avyo uti vikanava kutandeka, kwamwaa walina lyangu mwenu vanankamula kumuuvyauvyanga, vamuukanavo kuvitala vyakulipudidya, vanjela mudikalaboshi na vamuukanavo kwavaumu na kwavananangalaledi vashilikali.

Malukushi 8:35

Mwaa woewoe álota aposhe shingumi shake, andakatoka kanji woewoe álota akatoke shingumi shake mwaa wangu nangu na kwamwaa wantenga wambone, andaposha.

Maono 13:2

Lidimu waningwéne aijá avele kenga shuvi, madodo ake kuva kenga linyoma na ikanywa yake kuva kenga yantumi. Lijoka aijá andímwing'a lidimu dimongo dyake, shiteng'u na madalaka oe.

Vitendo 21:13

Kanji Paulu kutwala kushidoni, “Mwaa shani mwenu munkulila na munkungutaa shipalodi shoe muntima mwangu? Mwaa nangu apa i ngukubalidyé gweka kungwa kanji ata yakupela kwamwaa walina limwe Umu Yesu, ndikubali momo.”

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

Nshuwau 13:27

Nae akalye shibadu ashilá, Shatwani kumwinjilinneu. Yesu kutwala kumwaulila, “Shaulota kutenda sho, tenda shipajelo.”

Maono 2:13

“ ‘Ndimanya doni, paunama po ni pashiteng'u shimwe Shatwani. Ata ive davo mpaka ambi unkunamatila lina lyangu na haukanile likulupililo lyako kwangu, ata muwakati umwe Antipashi nshuda wangu wakukulupilika wavamyaile pakati penu, po panama Shatwani po.

Maono 13:14

Kwamwaa wavimanyikilo vyavampéle atende pamevo pamwe lidimu ntandi, nae andívaduwanga vanáma mushilambo. Andívalamulila vakandyange lishinamu kwakuntumbyanga lidimu aijá wavankang'éne lyambila kutwala kunama kavili.

Maono 17:14

Vandatandana ing'ondo namu Ngandolo kanji Ngandolo pamo namu avalá vavashamile, vavatandwele vàvele vo vakulupilíke, andavatema mwaa nae ni Nang'olo wavanang'olo, Umu wavaumu.”