Maono 14:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ lyoi livauvyauvyánga vanu avo, lindakwela ngwengwe ngwengwe. Koko ko, shilo na mui halipagwa shinu litala lyakupumula avalá valipúdya kumwe lidimu pamo na lishinamu lyake, namomo uti avalá vavikígwe numalu walina lyake.”

Maono 14:11 Referans Kwoze

Maono 19:3

Kutwala kavili dimbumba kushidoni, “Aleluya! Lyoi lyakwalakela njini awo, lindakwela ngwengwe ngwengwe.”

Maono 20:10

Ndamoni áshivaduwanga, vaninjela mulitanda lyamoto likaléla na ipataki mo mwavele lidimu pamo namu nkúlava wakushang'apa. Amo vanavo vandapata mauvilo ngwengwe ngwengwe shilo na mui.

Mateu 25:46

Bai ava vandauka kushaushanga shíkamalilika, avalá vaishaliya kuka kushingumi shíkamalilika.”

Mateu 25:41

“Bai napanelo andavaulila avalá vavé kunshanda kwake kushidoni, ‘Tumukanga apa mwenu mmanu mmadilana! Kuka kushena, kumoto úkamalilika wavankandyangididye Ndamoni pamo na vanjelo vake.

Maono 18:18

Pavalota kwona lyoi nae atikinyuka vandítangadikanga vaashidoni, “Nyani junji wakuva kenga njini au?”

Maono 14:9

Njelo wantatu andívaatika avalá vatandi átangola pashanya po aashidoni, “Ikava kenga munu andalipudya kwa aijá lidimu, lishinamu lyake na kuvikigwa numalu pashenye kwali munkono,

Maono 11:15

Njelo wasaba andyómba lipalapanda kuwa ko kwigwinika madi adimongo ashishidoni, “Utawala wamushilambo shapai, ambi apa uvelé mmakono mwa Umu wetu jo Klistu wake; nae andatawala ngwengwe ngwengwe.”

Maono 7:12

vaashidoni, “Ame. Litumbyangilidyo na lishangelo, limanyilo na lilambwalalelo, ishima, dimongo na lyululilo vive kumwe Nnungu wetu ngwengwe ngwengwe. Ame.”

Vabalaniya 1:8

Kanji kwaupande wa Mwana nae atédoni, “Shiteng'u shako Nnungu shindapagwa ngwengwe ngwengwe, ipimbo yautawala wako, yaishaliya.

Maono 22:5

Shilo hashipagwa kavili: vanavo lilangadyo lyadikalaboi kwali lyaliduva nkati mo, havapali mwaa Umu Nnungu andavalangadya; vovo vo, vandatawala ngwengwe ngwengwe.

Maono 13:12

Nae andítumila madalaka uti palina limwe aijá lidimu ntandi pamevo pake, ashindatadya shilambo shapai na vanu vanáma amo valipudye kumwe lidimu ntandi e avénavo shilonda shashilota apele kutwala kupona.

Mateu 11:28

“Idananga kwangu mwenu uti díndabadabyenge dibasha, nangu nampumudya.

Maono 13:15

Vandímupa lyululilo lyakupa shingumi alilá lishinamu lyalidimu ntandi. Lyolyo lyo kutwala kutangola na kutadya vabyaigwe avalá uti vákashilota kulipudya kulishinamu alyo.

Maono 13:17

kwambangidya hanapagwe wakushuma kwali wakushulusha, ila aijá ávenavo numalu walina lyalidimu kwali inamba iitíka lina lyake.

Maono 18:9

Vaumu vamushilambo vatandíle vyawendi namu nae na kunama shinamidyo shaditamaa, vanannilangila pavalota kwona lyoi nae atikinyuka, vanannilangila na kuntangadikangila.