Maono 11:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Venentete vandishimwa kanji shitundi shako shindiwika. Undiwika wakati wakuvaukumu vapadíle na wakuvatudya vakulava vatumika vako na vakwilimyanga, uti avalá vajópa lina lyako, vadyoko na vanang'olo. Ni wakati wakuvabamola uti avalá vabamóla shilambo.”

Maono 11:18 Referans Kwoze

Maono 20:12

Namomo ndívona vapadíle vadyoko na vanang'olo vàimilenge mushu shiteng'u, popo po mabuku andyúnguligwa. Lindyúnguligwa libuku linji, yani lyashingumi. Vapadíle vo vandyúkumigwa kulingana na avilá vyandikígwe mmabuku kula munu na vitendo vyake.

Maono 19:5

Napane pashiteng'u po lindíigwinika lidi lishishidoni, “Ntumbyange Nnungu wetu, mwenu uti mmatumika vake, mwenu múnjopa, kutunduvangila ndyoko na nkulu!”

Maono 13:10

Wavampangidile kutwaligwa mateka, mateka andatwaligwa. Wavampangidile kupela lyambila, lyambila andapela. Nadoni apa ni patakígwa kunanopa na kukulupila kwavakwilimyanga.

Maono 22:12

“Lola, ninkwida ambi popa! Dinudyo dyangu dyangwidanavo ndamupa kula munu kwodananavo shimadengo shake.

Maono 15:7

Napanelo shiumbi shimo pakati pa avalá nsheshe andíjaula midamu saba vyashaabu kuvapa avalá vanjelo saba, midamu avyo vyùmbele shitundi shake Nnungu ánama ngwengwe ngwengwe.

Maono 15:1

Napanelo kuwa ko nindyóna shimanyikilo shinji shikumene na shakutikinikanga: vavele vanjelo saba vànyukete vyaushanga saba vyamwisho, muvyaushanga avyo ni pashiwikila popo shitundi shake Nnungu.

Maono 14:10

namomo andakumbila vinyu vyakushimwa kwake Nnungu vyavamiminidile muluwene lwashitundi shake bila kudimulanga. Leka apo, jojo jo andauvauvanga moto na ipataki pamevo pavanjelo vakwilimyanga na pamevo pa Ngandolo;

Vabalaniya 9:27

Kula munu andipangigwa kupela mwanda umo tu bai kutwala ling'oto lya apo, kupagwa muukumu.

Lukashi 1:50

Ankuvaanangila shididi avalá vanjópa, vanu vaimbula ai kwida imbula ai.

Mateu 5:12

Litamange na puwangila mwaa inudyo yenu kuwa ko ing'umene. Amo nimomo mwavavatandalele vakulava mwenu mukanava.

Maono 20:15

Napane aijá líkaaneke lina lyake mulibuku lyashingumi, andíjalegwa mulitanda lyamoto.

Maono 18:6

Mo mwatandalele nae, ntandele momo, nnipe myanda mivili avilá vyatandile, muluwene lwake jo mwene mwanganienge, mwenu mwanganiangidye myanda mivili.

Maono 11:2

Ila nshana wo leka, haunapime mwaa wanavo vandivajaulila vamidi. Vovo vo, vandakandanga njini wakwilimyanga mumyedi alubaini na mbili.

Maono 19:15

Nkanywa mwake mundyúma lyambila lyakukola pakulota avabyaile venentete, jojo jo andavalangalalela na ipimbo yashitali na andakandangila vinyu mulitangi lyakushimwa kwake Nnungu Wadimongo-uti.

Maono 10:7

napane mumaduva álota kwomba lipalapanda aijá njelo wasaba, undawikila popo nnugu washipii shake Nnungu kenga mwavavalangangidile vatumika vake, vo vakulava.”

Maono 13:16

Namomo andívaungila vanu uti vadyoko na vanang'olo, vatajili na vakavé-pashinu, vamuunaiti na vatumwa pakulota vapate numalu munkono wankanakono kwali pashenye

Maono 19:18

pakulota mulye dinyama dyavaumu, dyavanang'olo vavaing'ondo, dyavanu vadimongo, dyavapunda pamo na dyavakuvatukusha vave, dyavanu uti: vamuunaiti na vamuutumwa, vadyoko na dyavanang'olo.”