Maono 1:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ na vyakwalakela kumwe Yesu Klistu nshuda wakukulupilika, ntandi kudyuka pakati pavakupela na nkútawala wavaumu vamushilambo. Nae ankutunagwaledya na kwamyadi vyake anditwambola mumadambi etu,

Maono 1:5 Referans Kwoze

Vabalaniya 9:14

kushi napane myadi vimwe Klistu áukile ndalijaula jo mwene kwaindila ya Imumu ákamalilika pakave makosha kwaupande wa Nnungu, hayululika kutuushanianga vitendo vyakupela mmakumbukililo etu amuntima kwambangidya tuntumike Nnungu mumi?

I Nshuwau 1:7

Kanji tukawena mulilangadyo kenga mwapagwididye nae mulilangadyo, tunkuvanavo upamo kula munu kwamuje na myadi vimwe Yesu, jo Mwanamunu vinkutuushanianga ushapu wamadambi uti.

Maono 17:14

Vandatandana ing'ondo namu Ngandolo kanji Ngandolo pamo namu avalá vavashamile, vavatandwele vàvele vo vakulupilíke, andavatema mwaa nae ni Nang'olo wavanang'olo, Umu wavaumu.”

Vakoloshu 1:18

Nae ni muti wamili alilá liganisha, shitunduvangilo na ntandi kuvalekwa pakati pavakupela pakulota muvinu uti akamulile lyutu litandi

I Patulu 1:19

ila mundyambolegwa kwamyadi vivénavo mana vimwe Klistu, myadi vyo vivéle kenga vyangandolo ákave makosha na ákave lilemba.

Vitendo 26:23

doni, Klistu inimmaikila auvauvange na àvele ntandi mukudyuka kwavakupela, andavalanganga lilangadyo kwavenentete vetu namomo kwavamidi.”

Maono 19:16

Mwikanju yake na nshija mwake vandyandika lina ali, “Umu wavaumu, Nang'olo wavanang'olo.”

I Nshuwau 4:10

Amu ni mwalivalalele linagwaledyo: i do wetu tunínnagwaledya Nnungu kanji nae ni átunagwaladidye wetu kutwala kuntumidya Mwanagwe pakulota ave shadaka shakudimanga shitundi shake Nnungu kwamwaa wamadambi etu.

Nshuwau 18:37

Pilatu kutwala kushidoni, “Bai wako po, umu!” Yesu akajang'ula, “Wako ni úvalanganga. Kwakutangola mwiu ndivalekwa kwamwaa au na kwamwaa wowo ndida mushilambo amu pakulota ngumye ushuda kwaumwiu. Uti avalá vaumwiu, vankwigwa lidi lyangu.”

Maono 3:14

“Njelo waliganisha lya ku Laudisheya mwandikile, ‘Avi atangola Ame, nshuda wakukulupilika na waumwiu, ntipu wa avilá vyakandyenge Nnungu:

Maono 7:14

Nangu kushidoni, “Nang'olo, wako ni úmanyite.” Nae doni, “Ava ni avalá vaalakadíle mmauvilo akujowa, vashapénge dikanju dyave mumyadi vya Ngandolo kutwala kuva dyanashwe.

Mateu 28:18

Yesu kutwala kuvavandika kuvaulila kushidoni, “Vaningukamudya madalaka uti kuwa na pai.

I Timoti 6:15

akulá ko kwalota kulodya Nnungu muwakati wake; Nnungu jo Wakwalaligwa na Nkútawala wagweka, Umu wavaumu na Nang'olo wavanang'olo,

Vaepeshu 2:4

Napane Nnungu wakuumbaligwa shididi, kwalinagwaledyo lyake likumene lyatunagwaladidye,

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Vagalata 2:20

Ninkunama kanji i nangu ila Klistu ni anama nkati mwangu. Shingumi shanguvenavo mumili ambi apa, ninkunama kwakunkulupila Mwana wa Nnungu ángunagwaladidye na álijawile kwamwaa wangu nangu.

Maono 11:15

Njelo wasaba andyómba lipalapanda kuwa ko kwigwinika madi adimongo ashishidoni, “Utawala wamushilambo shapai, ambi apa uvelé mmakono mwa Umu wetu jo Klistu wake; nae andatawala ngwengwe ngwengwe.”

I Timoti 6:13

Ninkukulamulila pamevo pa Nnungu jo áing'a shingumi vinu uti na pamevo pamwe Klistu Yesu áumidye ushuda wambone pamevo pamwe Ponji Pilatu,

I Vakolintu 6:11

Pakati penu po vanji vavele yadavo kanji muukilé ndaukangigwa, muukilé ndatandegwa mmakwilimyanga, muukilé ndavalangiligwa ishaliya mulina limwe Umu Yesu Klistu na mu Imumu umwe Nnungu wetu.

Nshuwau 15:9

“Mo mwangunagwaladyedya Atata nangu ninkunnagwaledya mwenu; pagwa mulinagwaledyo lyangu.

Nshuwau 13:1

Napanelo shikukulu sha Pasaka shikanava kuwika, Yesu àmanyite kenga wakati wake wakuma mushilambo ashi kuka kwatatake undiwika, namomo pakuva andívanagwaledya vake mushilambo, andívanagwaledya mpaka kumwisho.

Valoma 8:37

Kanji kwavinu avi uti tunkuva tuvakutema kupunda apo kwaindila imwe aijá átunagwaladidye.

Nshuwau 13:34

Ninkumupa lilamulo lyaambi; nagwaladyania. Mo mwaninnagwaladidye nangu mwenu, namwenu momo nagwaladyania.

Nshuwau 3:32

Nae ankumya ushuda wavinu vyagwene na vyaigwite kanji hapali munu áitikila ushuda wake.

Nshuwau 3:11

Ninkukwaulila mwiu mwiu, shatumanyite ni shatutangola, shatugwene ni shatumya ushuda kanji ushuda wetu hamunakulupila shinu.

Mateu 20:28

Nimumo momo Mwana Wamunu haidile pakulota vantumike; nae aidilé ndatumika na kujaula shingumi shake shive lyambolelo lyavanu voe.”

Nshuwau 3:16

“Amu ni mwanagwaladidye Nnungu shilambo, ata mpaka nae kumumya mwanagwe ávele jumo jojo pakulota uti vankulupíla nae havanajaike kanji vavenavo shingumi shíkamalilika.

Valoma 3:25

Nae jo, Nnungu andimumya kenga shadaka shakudimanga shitundi shake kwamyadi vyake kwaindila yalikulupililo kwambangidya dashi ililodye ishaliya yake mwaa kwaupole wake, andíleka madambi akunyuma

Vabalaniya 10:29

Kushi aijá ánnivatanga Mwana wa Nnungu na jojo jo áiludyanga myadi vyaimbodi vimwilimyénge nae na kuntukana Imumu waumonyo, da mwenu mwona dashi, munu ajo havaikidile kupata shaushanga shakumamodya?

Maono 2:13

“ ‘Ndimanya doni, paunama po ni pashiteng'u shimwe Shatwani. Ata ive davo mpaka ambi unkunamatila lina lyangu na haukanile likulupililo lyako kwangu, ata muwakati umwe Antipashi nshuda wangu wakukulupilika wavamyaile pakati penu, po panama Shatwani po.

Maono 11:3

“Nene ndavapa lilamulo vashuda vangu vavili, vanavo vandalava mumaduva alupu imo dimiya mbili na sitini vàgwalenge maguni.”

Maono 19:11

Bai nindyóna kuwa kushimwike, mwe! Napane ndímwona punda wanashwe, aijá ánkwadile punda vashinshema Wakukulupilika na Waumwiu. Nae ankuukumu na kutenda ing'ondo kwaishaliya.