Malukushi 9:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Patulu kutwala kumwaulila Yesu kushidoni, “Labi, ni shambone mwatupagwididye pashinu apa, leka tukandyange mautu matatu akwikala limo lyako, linji limwe Musha na linji live limwe Liyashi.”

Malukushi 9:5 Referans Kwoze

Vapilipo 1:23

Vivili avi viningutita dimumu. Inkungunagwela ngume ndikapagwe namu Klistu mwaa ashi ni shambone namene kupunda apo

Mateu 23:7

Vanavo mumautu aumbala kuvanagwela vavaudyange na ishima na vanu vavasheme ‘Labi.’

I Nshuwau 3:2

Mmakunagwaleka, wetu napanelo ni tuvanavake Nnungu na mwatulota kuvalela mo hamunava kulilodya; napane palota kwida po, tundava kenga nae mwaa tundamwona kenga mo mwavalalele.

Mateu 17:4

Patulu kutwa kumwaulila Yesu kushidoni, “Nang'olo ni shambone kupagwa po papa. Napanelo ukalota, ngukandyange mautu matatu, limo lyako, linji Musha na linji lyo limwe Liyashi.”

Mateu 23:8

Kanji mwenu hanapagwe wakushamegwa ‘Labi’ mwaa mwalimu wenu avelé jumo bai. Mwenu apa uti mmanung'unumunu gweka.

Malukushi 9:4

Popo po kwaneka Liyashi, Musha vatangola namu Yesu.

Malukushi 9:6

Nae hashimanya shashitangola mwaa vovo vo vashindajopa.

Lukashi 9:33

Vanu avo vakatumuke pavéle Yesu, Patulu kumwaulila Yesu kushidoni, “Mwalimu! Ni shambone mwatupagwididye pashinu apa, leka tukandyange mautu matatu akwikala; limo lyako, linji Musha na linji lyo live limwe Liyashi.” Nae atangwele pakamanya shamba.

Nshuwau 4:31

Napanelo pavishitandeka avyo vakwoda vake vashinankanyilidya, “Labi, lyaa!”