Malukushi 6:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Nadoni nae andíshanga kwamwaa waungakulupila wave. Napanelo nae kuma kupita apundisha mumakaja ashitanono.

Malukushi 6:6 Referans Kwoze

Mateu 9:35

Napanelo Yesu ashindatanela minjini uti na makaja apita apundisha muvitala vyakulipudidya avalanganga ntenga wambone wautawala, aponia vilwele na mauvilo uti.

Mateu 8:10

Yesu paigwite malove ala andíshanga na andívaulila avalá váshimwoda kushidoni, “Ninkumwaulila mwiu doni, ku Ishilaeli akuno hangunava kumwona munu walikulupililo kenga aju.

Lukashi 13:22

Yesu andyúka mushu na shimwanda sha ku Yelusalemu apita atanela mmakaja makumene na madikidiki apundisha.

Vitendo 10:38

mwashi mwampakidile mauta Yesu wa ku Nashaleti kwa Imumu Wanashwe na dimongo kutwala nae kuwena atandedya wambone apita avaponia vanu váshitawaligwa na Ndamoni mwaa Nnungu andípagwa namu nae.

Nshuwau 9:30

Munu jo kuvajang'ula doni, “Kulava mwenu! Mwenu ata mukanamanye kwalakadile kanji ni jojo ángutadidye nangu ngulole.

Mateu 4:23

Napanelo Yesu ashindatanela makaja a ku Galileya apita apundisha muvitala vyave vyakulipudidya avalanganga ntenga wambone wautawala, aponia vilwele na mauvilo uti kwavenentete.

Lukashi 4:44

Bai nae andyúka mushu avalanganga ntenga muvitala vya ku Yudeya.

Lukashi 4:31

Napanelo Yesu andyálalela ku Kapalanaumu njini umo wa ku Galileya. Koko ko muliduva lyakupumula nae ashindavapundisha venentete

Malukushi 1:39

Yesu kutwala kupita mumakaja uti a ku Galileya avalanganga ntenga muvitala vyave vyakulipudidya na akumulanga majini.

Malukushi 10:1

Yesu paumile apo, andyúka kulijimbo lya Yudeya mpaka mwangu unji wa Yudani. Bai imbumba yavanu indímwidila kavili na nae kenga lidyavalelo lyake ashindavapundisha.