Malukushi 2:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Bai Yesu pavagwene vanu avo kuvanavo likulupililo, andímwaulila wakudidimanga madodo jo kushidoni, “Mwanangu, madambi ako andilivalivika.”

Malukushi 2:5 Referans Kwoze

Mateu 9:2

Mwe! Popo po, vanu kumwidanavo munu wakudidimanga mili vànadidye mwigoli. Yesu pagwene likulupililo lyave, andímwaulila wakudidimanga jo kushidoni, “Mwanangu lyunge ntima! Madambi ako andilivalivika.”

Tiyagu 5:15

Nadoni kushwali kwalikulupililo kunkuntadya nnwele apone na Umu anantakatuwa. Namomo ikava kenga anditega, andalivalivigwa shimadambi shake.

Mateu 9:22

Yesu kushiliuka. Pangwene, kumwaulila kushidoni, “Lyunge ntima mwanangu. Likulupililo lyako lindikuponia.” Kutunduvangila muwakati wowo nkongwe jo kupona.

Vaepeshu 2:8

Mwaa mundyambwalegwa kwaumonyo kwaindila yalikulupililo; asho hashinaalakela shinu kwenu mwenu, ni inudyo ya Nnungu.

Vitendo 5:31

Jojo jo, Nnungu animmika palyutu lyashimbili kunkanakono kwake antenda kuva Nang'olo na Mwamboli kwambangidya avape vanaishilaeli kulijugulanga na kulivalivigwa kwamadambi.

Nshuwau 5:14

Ling'oto lya apo, Yesu anínkodya munu wamponídye aijá mwing'ande ya Nnungu kutwala kumwaulila doni, “Wako! Wako apa undipona, nadoni haunatege kavili pakulota hashinakuumililile shakupunda ashi.”

Lukashi 5:20

Yesu akone likulupililo lyave, andímwaulila nnwele jo kushidoni, “Wako madambi ako andilivalivika.”

Vakoloshu 3:13

Pililanila na ikava kenga jumo ankuvanavo shakukashali kwamunu junji, napane pakuva Umu aninnivaliva mwenu namwenu momo livalilanila.

II Vakolintu 2:10

Napane aijá wamunnivaliva mwenu kwashinu shoeshoe, nanangu momo nannivaliva. Mwaa shangulivalidile ikava kenga shipali shakulivaliva, asho ndilivaliva kwamwaa wenu pamevo pake Klistu

I Vakolintu 11:30

Ni ashi shitádya pakati penu voe vave vakudabadabanga, valwele na vanji, vandipela.

Vitendo 14:9

Munu aju pashimwigwilila Paulu; Paulu pannodile ndoo, akamwone kuvanavo likulupililo lyakulota apone,

Vitendo 11:23

Balinaba akawike kwanavo akone umonyo wa Nnungu pakati pave andípuwanga namene na ashindavanonowanga vanu uti pakulota vavenavo ntima wakukulupilika na kuvalaililila havanamwambukange Umu

Nshuwau 2:25

Nae hashilota munu aumye ushuda wamunu mwaa andimanya shivéle muntima wamunu.

Lukashi 8:48

Kanji Yesu kushidoni, “Namwana, likulupililo lyako lindikuponia; wena kwaamani.”

Malukushi 5:34

Yesu kutwala kushidoni, “Mwanangu, likulupililo lyako lindikuposha, wena kwaamani na pona shilwele shako!”

Mateu 9:5

Shakwashi shíkakamadyenge kutangola? Ni kushidoni, ‘Madambi ako andilivalivika,’ kwali kushidoni, ‘Takatuka twala mwanda uke’?

Malukushi 2:6

Napanelo mulyutu lyolyo vandíikalanga vamwalimu vadishaliya vatangadikanga shintimatima kushidoni,