Malukushi 2:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Yesu akauke kavili nanyenje litanda, imbumba yavanu indímuukila koko na nae ashindavapundisha.

Malukushi 2:13 Referans Kwoze

Malukushi 4:1

Napanelo mumwanda unji kavili Yesu andítunduvanga kupundisha àvele nanyenje litanda. Popo po, imbumba ing'umene yavanu iníntang'anedya mpaka kuntadya nae kukwela mwingalava kwikala kunyamela padyoko kumedi kuleka imbumba yavanu ìvele kumwangu.

Lukashi 21:38

Lyamba linyeiku, vanu uti vashindauka kwing'ande ya Nnungu ndamwigwilila.

Lukashi 19:48

kanji havashipata dindila dyakummyaila mwaa venentete uti vandítitimila mukumwigwilila.

Malukushi 2:2

Vanu voe vandyúmbalanila paing'ande po ata pakushunila mata mene kwaneka na nae ashindavavalangangila ntenga wa Nnungu.

Malukushi 1:45

Munu aijá kanji paumile apalá ni kupita avalanganga na aandadya vinu uti vintandéke mpaka kuntadya Yesu mene kuulula kuka mushu ainjila ngala mumakaja; nae kuva munu wakwikala kushimbweshe na koko ko vanu vammakaja uti vashindamuukila nae.

Mateu 13:1

Muliduva lyolyo Yesu paumidile panda andyúka ndaikala nanyenje litanda.

Mateu 9:9

Napanelo Yesu paumile apo andímwona munu jumo walina Mateu àikele pashitala shaukodi. Nae kumwaulila doni, “Ngwoda!” Mateu kutakatuka kumwoda.

Malukushi 10:1

Yesu paumile apo, andyúka kulijimbo lya Yudeya mpaka mwangu unji wa Yudani. Bai imbumba yavanu indímwidila kavili na nae kenga lidyavalelo lyake ashindavapundisha.