Malukushi 1:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Bai Yesu apita awanawananga nanyenje litanda lya Galileya amulá anímwona Simoni avele namu nkulumunu Andaleya vateja dingau mmedi mwaa vovo vo shimadengo shave shivele shakwaka dyomba.

Malukushi 1:16 Referans Kwoze

Nshuwau 6:8

Nkwóda junji Andaleya, nung'une Simoni Patulu akaashidoni,

Lukashi 6:14

Vanu avo vavele ava: Simoni washilota kumupa Yesu lina lya Patulu, Andaleya nung'une jo Patulu, Tiyagu namu Nshuwau, Pilipo, Balutolomeu,

Vitendo 1:13

Vanu avo, yani Patulu, Nshuwau, Tiyagu namu Andaleya, kwida Pilipo, Tome, Balutolomeu namu Mateu, kwatika Tiyagu mwanagwe Alupeu, Simoni aijá Shelote namu Yudashi mwanagwe Tiyagu, pavawikile nkaja amulá vandyúka ndainjila mushumba shavawikidíle shapashanya ulungu.

Nshuwau 12:22

Pilipo ankuka ndamwaulila Andaleya kutwala uti vavili, vankuka ndamwaulila Yesu.

Malukushi 3:18

kwida Andaleya, Pilipo, Balutolomeu, Mateu, Tome, kwatika Tiyagu mwanagwe Alupeu kwida Tadeu ndaida Simoni wa ku Kanaa

Malukushi 3:16

Vanu kumi na mbili avo vavele ava: Simoni wampéle nae lina linji lya Patulu

Mateu 10:2

Mena avamyombe avo kumi na mbili ni ala: ntandi, Simoni wavanshema Patulu pamo na nung'une walina Andaleya, kwatika Tiyagu mwanagwe Shebedeu pamo na nung'une walina Nshuwau,