Lukashi 6:30 - Ibibiliya mu Shimakonde Imbodi Yaambi na dimbande dya Imbodi Yakala

³⁰ Munu woewoe akakujugwa shinu, mupe; aijá álota kutwala shinu shako haunandai.

Lukashi 6:30 Referans Kwoze

II Vakolintu 8:9

Mwaa mwenu mundimanya umonyo umwe Umu wetu Yesu Klistu doni, àvele avi ntajili kwakunnagwaledya mwenu nae andilitenda kuva ákave pashinu kwambangidya kwaindila yaungave-pashinu wake, antadye mwenu muke mukave mmatajili.

Vitendo 20:35

Kula shinu shangutandile, ninnodya mwenu kenga kwaindila yashimadengo shikumene shatutenda indituvaikila tuvapwashele vákalyulula tukumbukila malove atangwele jo mwene Umu Yesu aashidoni, ‘Wakwalaligwa ni aijá áing'a kuliko ápwashalela.’ ”

Mateu 6:12

Makosha etu, tulivaliva kenga mo mwatuvalivalivila wetu vatutagela.

Lukashi 18:22

Yesu paigwite malove alo andímwaulila doni, “Shindikwijalila shinu shimo. Shulusha vyauvenavo uti, njuluku wo uvajavile vamashikini; undavanavo mali kuwa na wide ungwode.”

Lukashi 12:33

Shulushanga uti vyamuvenavo njuluku wo, muvape vamashikini! Likandyangidye mapeta ákapapukanga na mali ákapunguka kuwa; kwanavo nkwíva hanapita na ushwa haupali.

Lukashi 11:41

Laledya shana vinu vyammitima vyenu kenga mo mwamunanaliyangidya shadaka shakuvapa vamashikini, mundona mwiu mundava mmakutakata.

Lukashi 6:38

Nadoni mukajaula namwenu Nnungu andamupa; andatwala shipimo shambone, shakwinyila, shakuumbala, shakupakatika kumwing'a. Doni, mo mwamuvapela vavenu, namwenu Nnungu anampela momo.”

Mateu 18:35

Napavedoni Atata wakuwa anantandela momo ikava kenga namwenu mmitima myenu mo, kula munu hannivaliva nung'unumunu.”

Vaepeshu 4:28

Áshiva, hanaive kavili ila akole madengo atenda shinu shambone kwamakono ake pakulota dashi, apate ashilá shakumpwashela aijá ákave pashinu.

Mateu 5:39

Napane nangu jo ninkumwaulila doni, hamunammikile makukulu nkalau. Woewoe ákukoma lilatuma kunkanakono, nshiliulile kunshanda.

Lukashi 6:29

Aijá álota kukukanyola utung'u umo, nshiliulile unji. Álota kukula likoti, lishati momo nnakele.

Lukashi 6:31

Ashilá shinnagwéla mwenu vantandele, namwenu dadavo vatandele navanavo.