Lukashi 6:2 - Ibibiliya mu Shimakonde Imbodi Yaambi na dimbande dya Imbodi Yakala

² Kanji mapalishayo vanji kuvatangalangila vaashidoni, “Mwaa shani mwenu munkutenda shinu shilaéka na lilamulo kutenda muliduva lyakupumula?”

Lukashi 6:2 Referans Kwoze

Mateu 12:2

Mapalishayo pavagwene davo vakaashidoni, “Wako, vakwoda vako vankutenda shinu shilaéka muliduva lyakupumula.”

Nshuwau 5:16

Napavedoni vayuda vandítunduvanga kumpapata Yesu mwaa ashindatenda vinu avyo muliduva lyakupumula.

Malukushi 2:24

Kutwala mapalishayo kumudya, “Wako, mwaa shani vakwoda vako vankutenda shinu shilaéka na lilamulo kutenda muliduva lyakupumula?”

Lukashi 5:33

Vanavo napane kushidoni, “Vakwoda vake Nshuwau pamo na vamapalishayo dimindi dyoe vankunga na vankushwali; napanelo mwaa shani vako wako vankulya na vankupuwanga?”

Mateu 15:2

“Mwaa shani vakwoda vako havanaodedya shinu yadi yavatulakalele vanyakala vetu? Mwaa vanavo pavalya, havananavanga shinu medi mmakono.”