Lukashi 6:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Palyamba lyake andívashema vakwoda vake kuvatandola kumi na mbili pakati pave; ava kuvashema Vamyombe.

Lukashi 6:13 Referans Kwoze

Maono 21:14

Lishiti lyalingongo lyanjini awo, vadangile pashanya majanga kumi na mbili; namomo pashanya pakula lijanga, vandyándika lina limo pakati pamena a avalá vamyombe kumi na mbili vamwe Ngandolo.

Vaepeshu 4:11

Ni jojo ávapele vanji kuva vamyombe, vanji kuva vakulava, vanji kuva vakuvalanganga ntenga, vanji kuva vashungaji na vanji kuva vamwalimu

Malukushi 6:30

Napanelo avalá vamyombe vandyúja kuka kumwe Yesu kutwala kummalangangila vinu uti vyavatandile na vyavapundishidye.

Malukushi 6:7

Andívashema avalá kumi na mbili kutwala kuvatuma vavili-vavili na kuvapa madalaka akulamulilila majini mashapu.

Mateu 9:36

Nae akone dimbumba kwadimbumba dyavanu andyánangila shididi mwaa wakuvona kudabadabanga na kujaikanga kenga dingandolo díkave nkúshunga.

Maono 18:20

Kuwa ko puwanga kwamwaa wake! Mmakwilimyanga, mmamyombe pamo na mmakulava puwanga! Nnungu andímuukumu nae kwamwaa wenu mwenu!”

Maono 12:1

Napanelo kuwa kundyáneka shimanyikilo shakutikinikanga: nkongwe jumo àgwete liduva, mwedi ùvele mmadodo mwake na lidaka lyadinondo kumi na mbili lìvele mmuti mwake.

II Patulu 3:2

yakunkumbuwanga malove atangaléke wakati wapanyuma kwaindila yavakulava vakwilimyanga na alilá lilamulo limwe Umu na Mwamboli lyamuukile ndapundishigwa na vamyombe venu.

Vabalaniya 3:1

Napavedoni mmanung'unumunu mmakwilimyanga múliinjidyanga pamo mukushamegwa kwakuwa, vikila namene kuntima makumbukililo enu kumwe Yesu, myombe na nkúlangalalela-shadaka nkumene wakulyaula kwetu.

Vaepeshu 2:20

Mundidangegwa pashanya vamyombe na vakulava, lijanga likumene lyashitunduvangilo kuva Klistu.

Vitendo 1:13

Vanu avo, yani Patulu, Nshuwau, Tiyagu namu Andaleya, kwida Pilipo, Tome, Balutolomeu namu Mateu, kwatika Tiyagu mwanagwe Alupeu, Simoni aijá Shelote namu Yudashi mwanagwe Tiyagu, pavawikile nkaja amulá vandyúka ndainjila mushumba shavawikidíle shapashanya ulungu.

Lukashi 22:30

pakulota mulye na mukumbile pandamu wangu muutawala wangu na mwikale muviteng'u muukumu makola kumi na mbili amwe Ishilaeli.”

Lukashi 11:49

Nimomo mwalitangaladile Limanyilo lya Nnungu doni, ‘Ndavapalakadyedya vakulava na vamyombe, vanji vandavabyaa vanji vo kuvapapata,’

Mateu 19:28

Yesu kushidoni, “Nangu ninkumwaulila mwiu doni, mwenu múngwoda nangu muwakati wakudyuwangigwa vinu uti, Mwana Wamunu palota kwikala pashiteng'u shake shalishangelo, namwenu momo mundaikala muviteng'u kumi na mbili muukumu makola kumi na mbili avanaishilaeli.

Mateu 10:2

Mena avamyombe avo kumi na mbili ni ala: ntandi, Simoni wavanshema Patulu pamo na nung'une walina Andaleya, kwatika Tiyagu mwanagwe Shebedeu pamo na nung'une walina Nshuwau,

Lukashi 6:14

Vanu avo vavele ava: Simoni washilota kumupa Yesu lina lya Patulu, Andaleya nung'une jo Patulu, Tiyagu namu Nshuwau, Pilipo, Balutolomeu,

Nshuwau 4:33

Vakwoda vake kutwa kuudyania, “Da apali munu áidile ndamupa shakulya?”