Lukashi 3:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Vaing'ondo vanji navanavo kumudya, “Kushi wetu tutandele mwashi?” Nae kushidoni, “Hamunankwinyange munu woewoe shinu shake, hamunantambudyange munu shákatandile kanji puwangila nshala wenu wamupata.”

Lukashi 3:14 Referans Kwoze

Vapilipo 4:11

Hangunatangola shinu yakungwova shoeshoe mwaa ndilipundisha kulishika muvyoevyoe.

Lukashi 19:8

Kanji Shakeu andítakatuka kumwaulila Yesu kushidoni, “Nang'olo ngwigwa, nangu ndatwala inushu yamali angu ndivape vamashikini; ata akapagwa munu wanimwividile shake, ndamuujidya nimwanjadyedya myanda nsheshe.”

Maono 12:10

Napane ndígwa kuwa ko lidi lyadimongo liishidoni, “Ambi apa kwambolegwa kundiwika, dimongo na utawala wa Nnungu wetu na madalaka amwe Klistu wake mwaa andijalegwa pai aijá nkúkashali wavanung'unumunu ávakashali shilo na mui pamevo pa Nnungu wetu.

Titu 2:3

Nimumo momo vakongwe vaulinga vavenavo shinamidyo shoodánanavo kunjopa Nnungu i vaushaka na ata vapagwa muutumwa waugwalwa kanji vave vakupundisha wambone

Vapilipo 2:15

pakulota dashi, muve mmanu múkave makosha na múkave ushapu, mmanavake Nnungu múkave malemba pakati paimbula yavanu vakukangadakanga na vakwashalanga, po pamulangala mwenu pakati pave kenga vyakulangala mushilambo

Vitendo 10:7

Bai njelo áshitangola namu Koluneli akaume, Koluneli andívashema vatumika vake vavili vapaing'ande pake namu mwing'ondo wake jumo wakwalala ntima wamushipinga shavaing'ondo vake,

Mateu 8:5

Napanelo Yesu ainjila nkaja mu Kapalanaumu andímwidila nang'olo jumo wavaing'ondo miya wavaloma nanjugwangila aashidoni,

Lukashi 3:10

Imbumba yavanu yo kutwala kumudya kushidoni, “Shapo na wetu po tutandelé mwashi?”

Lukashi 3:13

Nae kushidoni, “Ukodi wakupunda shilinga shavannamulidile mutwale, hamunantwalile munu.”