Lukashi 24:48 - Ibibiliya mu Shimakonde Imbodi Yaambi na dimbande dya Imbodi Yakala

⁴⁸ Vinu vyovyo avi mwenu ni mmashuda.

Lukashi 24:48 Referans Kwoze

Vitendo 13:31

Akandyuwe, vavagwe vaalekenavo ku Galileya mpaka ku Yelusalemu, vandyónananavo mumaduva oe na vovo vankumya ushuda wake kwavanaishilaeli.

Vitendo 5:32

Wetu apa pamo na Imumu Wanashwe wanjawile Nnungu kuvapa vanu vamwigwilíla ni tuvashuda vavitendo avyo.”

Vitendo 2:32

Jo Yesu aju, Nnungu anindyuwa na wetu apa uti ni tuvashuda vashitendo asho.

Vitendo 1:8

kanji mwenu mundapata dimongo dya Imumu Wanashwe álota kumwidila na mwemwe mundava mmashuda vangu kutunduvangila pa Yelusalemu, ku Yudeya, ku Shamaliya mpaka mwisho washilambo.”

Vitendo 10:41

kanji i kwavanu uti ila kwetu wetu tuvashuda vátutandwele Nnungu tangu kala, wewe túlile na túkumbidile namu nae ling'oto lyakudyuka pakati pavakupela.

Vitendo 10:39

Wetu apa tuvashuda wavinu vyatandile nae mushilambo uti shavayuda mpaka pa Yelusalemu. Jojo jo vanu vanímpedya kwaindila yakunkamalela panshalaba

Vitendo 3:15

Napavedoni, mwenu munimpedya mwene shingumi kanji napane Nnungu, jojo jo, anindyuwa mushipinga shavakupela na wetu nelo tuvashuda vashitendo asho.

Vitendo 1:22

kutunduvangila paubatisho umwe Nshuwau mpaka muliduva lyavantandwile Umu Yesu pakati petu kuka kuwa, jumo pakati pavalume avo ave nshudamwetu wakudyuka kwake Yesu.”

I Patulu 5:1

Doni, nangu ninang'olomwenu na ninshuda wamauvilo amwe Klistu namomo wakuliinjidyanga mulishangelo lilóta kuunukuligwa, ninkuvalaililila vanang'olo vapagwíte pakati penu,

Vitendo 4:33

Vamyombe vashindataa ushuda na dimongo namene ing'ano yakudyuka kwake Umu Yesu na umonyo ukumene ushindapagwa na vanavo.

Nshuwau 15:27

Namwenu momo mundaumya ushuda wangu mwaa mwenu mundípagwa namu nangu tangu kunantandi.

Vitendo 22:15

Nadoni wako undava unshuda wake pakulota uvavalangangile vanu uti vyaugwene na vyawigwite.