Lukashi 24:44 - Ibibiliya mu Shimakonde Imbodi Yaambi na dimbande dya Imbodi Yakala

⁴⁴ Kutwala kuvaulila doni, “Vitandéke avi ni avilá vyanishipita nimmalangangila mwenu tùvele shalumo kenga indivaikila vinu uti vyandikígwe mu Lilamulo lyake Musha, mu Vakulava na mu Dimu vingwámba nangu, vitandeke.”

Lukashi 24:44 Referans Kwoze

Vitendo 13:33

anditandedya kwetu wetu tuvadukuluvave pakundyuwa Yesu kenga mwavaandikidile mulibuku lya Dimu inamba yambili doni, “ ‘Wako apa umwanangu kutunduvangila nelo nangu nitatako.’

Lukashi 9:22

na kutangola kavili doni, “Mwana Wamunu inimmaikila auvauvange namene; vanang'olo, vakulangalalela-shadaka vanang'olo pamo na vamwalimu vadishaliya, vanavo vandamwita. Indimmaikila vamyae kanji muliduva lyantatu andadyuka.”

Maono 19:10

Napanelo ndígwilangila mmadodo mwake pakulota ngulipudye kwake kanji nae kushidoni, “Haunatende davo! Nangu ni ntumika kenga wako na kenga vanung'unumunu vavénavo likulupililo muushuda wake Yesu. Lipudye kumwe Nnungu! Mwaa ushuda ummalangánga Yesu ni imumu yakulava.”

Vabalaniya 10:1

Mwenu, lilamulo linkwidanavo shimbedi vila shavinu vyambone vilóta kwida i umwiu wavinu vyene. Nadoni lyanavo halyulula mwiko kwaindila yoyo yavyadaka vyujila-ujíla mwaka kwamwaka kutadya kuvawisha popo avalá vammandíka.

Nshuwau 5:46

Mwenu leka munkulupidile Musha, mukaningukulupila nangu momo mwaa nae andyandika vingwamba nangu.

Vabalaniya 9:8

Doni, Imumu Wanashwe ankulodya ìpagwite avi isemu itandi, indila yuka Lyutu Lyakwilimyanga-uti hainava kuunguligwa.

Nshuwau 5:39

Mwenu munkulambela mumaandiko mwaa nkati mwake mo mwona doni mundivanavo shingumi shíkamalilika; lolo lo ankunguumidya nangu ushuda,

Nshuwau 3:14

Ni kenga momo mwannyanyulidile Musha nyoka munnandi kushimbweshe nanae Mwana Wamunu inimmaikila anyanyuligwe

Lukashi 24:46

kutwala kuvaulila doni, “Vandyandika doni, indivaikila Klistu apele kutwala muliduva lyantatu adyuke pakati pavakupela

Vabalaniya 7:1

Mwenu, Malikishadeki aju avele umu wa ku Shalemu na jojo jo, avele nkúlangalalela-shadaka wake Nnungu Wapashanya-uti, nae andíkadyania namu Abulaamu, Abulaamu auja kukuvatema vaumu nae kutwala kumwalaliya.

Vabalaniya 3:5

Doni, Musha andíkulupilika mwing'ande uti ya Nnungu kenga ntumika áumya ushuda wa avilá vilóta kutangaleka wakati wamushu;

Vitendo 7:37

Jo Musha aju e avaulidíle vanaishilaeli, ‘Nnungu anantakatuwa pakati pavanung'unumunu venu nkúlava jumo kenga nangu.’

Lukashi 22:37

Ninkumwaulila doni, ambi apa vilota kutandeka avilá vyandikíke doni, ‘Vanimpambanianga mushipinga shavaungave-lilamulo.’ Mwaa uti vyavaandike vingwamba nangu, mwiu vindatandeka.”

Lukashi 21:22

Mumaduva alo shindaumilila shaushanga vitandeka vinu uti vyandikíke.

Lukashi 9:44

“Tela matu enu mwigwe avi! Mwana Wamunu andakamuligwa kumakono kwavanu.”

Mateu 26:56

Uti avi vinkutandeka pakulota awikile popo Maandiko avakulava.” Bai vakwoda vake uti vanínneka kutwala kutukutanga.

Mateu 26:54

Na davo po alota kuwikila dashi popo Maandiko atédoni, ‘Indivaikila itandakele momo’?”

Mateu 16:21

Napanelo kutwala apo Yesu kutunduvanga kuvamanyiya ngala vakwoda vake doni, nae inimmaikila auke ku Yelusalemu, koko ko akapate mauvilo oe kwavanang'olo, kwavakulangalalela-shadaka vanang'olo na kwavamwalimu vadishaliya, apele na muliduva lyantatu lyake adyuke.

I Patulu 1:11

Imumu umwe Klistu e apagwíte nkati mwave andyumya ushuda kaladavo avalanganga mauvilo alóta kumpata Klistu na lishangelo ling'oto lyamauvilo; vanavo vashindalambela vamanye Imumu ishimwamba nyani na wakati wene wo, wakwashi.

Vitendo 3:18

Kanji napavedoni, Nnungu anditandedya ashilá shatangwéle kala kwaindila yavakulava vake uti kenga Klistu wake inimmaikila auvauvange.

Malukushi 9:31

mwaa ashindavapundisha vakwoda vake kushidoni, “Mwana Wamunu vanannimya kunkamudya kumakono kwavanu, vanavo vanampedya, ling'oto lyakupela, muliduva lyantatu lyake andadyuka.”

Mateu 1:22

Vinu avi uti vinditandeka pakulota liwikile popo lilove lyatangwéle Umu kwaindila yankúlava wake aashidoni,

Vitendo 2:27

Mwaa wako hawambukanga ungumi wangu kumoka na ata haunneka Nkwílimyanga wako alinge kunda.

Vitendo 13:40

Nangu ninkushidoni, shonde lilaledye pakulota havinankodye avilá vyavatangwele vakulava doni,