Lukashi 23:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ Napanelo pavashimuukanavo, vanínkamula munu jumo walina Simoni wa ku Shilene aaloka kuludeya, vanavo kuntika nshalaba apite amwoda Yesu.

Lukashi 23:26 Referans Kwoze

Vitendo 6:9

Napavedoni vanu vapashitala shakulipudidya shavashishema “Shavanu vamuunaiti” pamo na vaalakadíle ku Shilene, ku Alishandaliya, ku Kilikiya na ku Ashiya vandíbuwa ntau namu Shiteva

Vitendo 6:6

Kutwala apo, imbumba indívalodya vanu avo kwavamyombe kutwala vamyombe kushwali na kuvavikila makono.

Vitendo 2:10

twálakadile ku Piligiya, ku Pampiliya, ku Mishili, twálakela ku Libiya twíkala pepi na pa Kulene, twálakela kunjini wa Loma,

Lukashi 14:27

Namomo munu ákanyukata nshalaba wake kutwala kungwoda, hava shinu nkwóda wangu.

Lukashi 9:23

Namomo andívaulila vanu uti doni, “Munu akalota kungwoda nangu, alishukulu; kula liduva anyukate nshalaba wake angwode.

Vitendo 13:1

Napanelo paliganisha lya pa Antiyokiya vandípagwa vakulava na vamwalimu kenga ava: Balinaba, Shimiyau áshimanyika kwalina lya Wakudimba, Lushiu wa ku Shilene, Manaeni munu ákulumwike pamo namu umu Elode na kupagwa Saulu.

Lukashi 23:25

Andímuungula munu wavanjadíle nkalaboshi mwaa wakupinga shilikali na kubyaa kuntwala Yesu kunneka nkati mumalotelo ave.

Mateu 5:41

Woewoe ákukanyilidya muwene shuuluta shimo, wako wenanavo vyuluta vivili.