Lukashi 21:36 - Ibibiliya mu Shimakonde Imbodi Yaambi na dimbande dya Imbodi Yakala

³⁶ Ngwengwe muve mevo mujugwa mupate dimongo kwambangidya vilóta kutandeka vyo vinkowe na mwimile bila kujagajega pamevo pake Mwana Wamunu.”

Lukashi 21:36 Referans Kwoze

I Nshuwau 2:28

Mmanavangu napanelo pagwa nkati mwake nae kwambangidya dashi, palota kulilodya tuvenavo ntima shii patukalinyemya pamevo pake kwamwaa wadyoni.

I Patulu 5:8

Ava mevo na lilaledye: mmongo wenu mwenu Ndamoni ankudingukanga kenga ntumi akalamanga annambela wakwashi wakulota kummamane-uti.

Mateu 25:13

Napavedoni ava mevo mwaa liduva lyene lyo na isaa, hamumanyite.

Mateu 24:42

Napavedoni ava mevo mwaa hamumanyite liduva lyalota kwida Umu wenu.

I Patulu 4:7

Mwenu, mwisho wavinu uti undivandika. Nadoni lipange muding'ano dyenu, namomo ava mevo kwamwaa wakushwali kwenu.

I Vakolintu 16:13

Ava mevo, nanopa mulikulupililo, ava mmakulishiya na mmadimongo.

Lukashi 18:1

Napanelo nae andíkong'a nkong'o avamanyiya vakwoda vake vashwalye ngwengwe pavakaujila kunyuma

Malukushi 13:33

Lilaledye, ava mevo! Mwenu hamumanyite wakati wamwisho duvani paulota kuwika.

Yudashi 1:24

Mwenu, kwa aijá Wadimongo pakulota kunshililidya mwenu hamunalikuvale na kwambangidya akamwimidye múkave makosha pamevo palishangelo lyake kwalipuwilo likumene,

Mateu 26:41

Pimila na shwali pakulota hamunainjile mukutubigwa! Imumu mwiu inkuva tayali, mili ni udabadabénge.”

I Vateshalonika 5:17

Shwali kwabila kudoba.

Malukushi 13:37

Vyanimwaulila mwenu avi, ninkuvaulila vanu uti kushidoni, ava mevo!”

II Timoti 4:5

Kanji napane wako ava umunu wakulilaledya muvinu uti, lipililile mauvilo, kola shimadengo shankúvalanganga ntenga wambone, tandedya utumika wako ukawikile popo.

Vakoloshu 4:2

Wena mushu munanopa mukushwali, muva mevo nkati mwake na mulambwalela,

Vitendo 10:2

Munu aju pamo na vanu uti vapaing'ande yake vandyálala mitima na vashindanjopa Nnungu; nae ashindavapa lipwashalelo lyoe vamashikini na ashindashwali ngwengwe kwa Nnungu.

Lukashi 20:35

kanji avalá vavóna Nnungu kuvaikila vapate mautu muwakati wída na mukudyuka pakati pavakupela, vanavo havalombana.

Mateu 8:20

Yesu kushidoni, “Vanansheto vankuvanavo vivava, vyuni vyakuniania vinkuvanavo vyanda kanji Mwana Wamunu havé pashinu pakwijamidya muti wake.”

Mateu 24:43

Kanji napanelo manya doni, tatamunu wapaing'ande leka àmanyite wakati wakwida nkwíva, akandiikala mevo na hanaleke ing'ande yake vatutumula.

Mateu 24:44

Napavedoni namwenu momo lipanganiange mwaa Mwana Wamunu andaida muwakati wamukalindila mwenu.

Lukashi 1:19

Njelo kushidoni, “Wako! Nangu Gabuliyeli ngúpagwa pamo na Nnungu, unkwigwa? Nditumigwa ngwide ngutangole namu wako ndikuvalangangila ntenga wambone vila au.

Lukashi 21:35

mwaa liduva alyo, vanu uti ndyoko na nkulu mushilambo uti, lindavawikila.

II Vakolintu 4:14

tumanya kenga aijá ándyuwidye Umu Yesu, andatudyuwa nawetu momo pamo namu nae kutwala kutuukanavo pamo namu mwenu pamevo pake.

Maono 6:17

Mwaa lindiwika liduva likumene lyashitundi shave, nyani álota kuulula kunanopa?”

Maono 7:9

Napanelo vikapite vinu avyo ndílola, mwe! Ndyóna dimbumba díkaululika kuvalangika; adyo dyakwalakela kula shilambo, makola uti, venentete na dinangodi vàimilenge mushu shiteng'u na mwa Ngandolo vàgwalenge dikanju dyanashwe, mmakono mwave vànyakatenge malala.

Maono 8:2

Napane ndívona vanjelo saba vàimilenge mushu mwake Nnungu na vavapa mapalapanda saba.

Maono 11:4

Vashuda vavili avo ni milandi mivili vyaulivela na dikalaboi mbili dipágwa mushu mumwe Umu washilambo.