Lukashi 2:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ Jo Imumu Wanashwe andímwaulila Shimiyau doni, hapela akanava kumwona Klistu wake Umu kuntumidya.

Lukashi 2:26 Referans Kwoze

Nshuwau 8:51

Ninkumwaulila mwiu mwiu doni, munu áigwilila lilove lyangu, kupela ko mwiko, haona shinu ngwengwe.”

Vabalaniya 11:5

Kwalikulupililo Enoki andítanduligwa kwambangidya hanalinge kupela; haaneke kavili pakuva Nnungu aníntwala mwaa akanava kutanduligwa, vashindamwimyanga kenga Nnungu animpuwangila.

Lukashi 9:27

Ninkumwaulila mwiu doni, vapali vanu popo apa, vanavo havapela vakanava kwona utawala wa Nnungu.”

Vitendo 10:38

mwashi mwampakidile mauta Yesu wa ku Nashaleti kwa Imumu Wanashwe na dimongo kutwala nae kuwena atandedya wambone apita avaponia vanu váshitawaligwa na Ndamoni mwaa Nnungu andípagwa namu nae.

Vitendo 2:36

Napanelo mmaishilaeli uti ikala mumanya shalowa doni, Yesu jo, jo wamunkamadile panshalaba jo, Nnungu anintenda kuva Umu na kuva Klistu.”

Vitendo 17:3

avaulila na avalodya kenga Klistu inímmaikila auvauvange na adyuke pakati pavakupela na ashindatangola aashidoni, “Jo Yesu wanimmalanganga aju, ni Klistu wene.”

Vitendo 9:20

Nae kutunduvanginneu kwinjila muvitala vyamikodyanio apita ammalanganga Yesu doni, “Nae ni Mwana wa Nnungu.”

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

Nshuwau 4:29

“Ida munnole munu ánguvalangenge vinu uti vyangutandile kanji kwali Klistu?”

Nshuwau 1:41

Jojo jo shitandi ankuka ndakadyania na nkulumunu Simoni, ankumwaulila doni, “Tunimpata Masiya” (Masiya, kwakuvalangangila, Klistu).

Mateu 2:12

Napanelo pavalinguligwe mwindoti pakulota havanaujile kumwe Elode, vanavo vandyúka kwave vapitila indila inji.

Lukashi 2:29

“Umu, uninneka ntumika wako aukilé mu amani kenga mwautangaladile.