Lukashi 19:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ nishindakujopa mwaa wako ni umunu wakudingadinga, undátwala shinu shaukakandidye na undánang'ena paukapandile.’

Lukashi 19:21 Referans Kwoze

Yudashi 1:15

pakulota kuvaukumu uti na kuvapa shaushanga avalá vákave Nnungu muvitendo vyave uti vyaungave Nnungu vyavatandile na kwamwaa wamalove uti akupwateka avashitangola vakutega vákave Nnungu vamwamba nae.”

I Nshuwau 4:18

Palipagwite linagwaledyo kujopa hakupali, leka apo linagwaledyo lyakuwikila popo, lindákumulanga kujopa. Mwenu, kujopa kunkwigwania na shaushanga na aijá ávenavo kujopa, hanava kuwikila popo mulinagwaledyo.

Tiyagu 2:10

Mwaa aijá áigwilila lilamulo uti kutwala mo nkati mo kulikuvala lilamulo limo, ajo ankuva wamakosha auti.

II Timoti 1:7

Mwaa Nnungu anditupa Imumu i yakujopa kanji yadimongo, yalinagwaledyo na yakulimaladya.

Valoma 8:15

Doni, mwenu hamupatile imumu yautumwa muka kavili mukujopa kanji munimpata Imumu wamwanamunu; nkati mwake wetu tunkulila, “Aba, Atata.”

Valoma 8:7

Doni, ding'anong'ano dyashimunumunu ni umongo kwake Nnungu mwaa hadinalivika shinu mwina mwake lilamulo lyake Nnungu na ata hadinaulula kutandedya.

Lukashi 19:20

Kwida wantatu kushidoni, ‘Nang'olo njuluku wako wo au, twala, nangu ndyútika mulilesho;

Lukashi 19:22

Kanji nang'olo kushidoni, ‘Wako ni untumika wakubanga namene! Ndakuukumu kwodananavo avilá vyauvalangenge wako umwene. Namwiu, wako undímanya shana doni nangu ni nimunu wakudingadinga, walukwinnyango na ngunanang'ena pandikapandile.